"АЗИЯ АВТО" көліктері Қазақстанның үздік тауары деп танылды
Биылғы жылы республикалық байқауға аймақтық конкурстарда жеңіп шыққан 169 компания қатысты. Отандық үздік компанияларға ҚР Индустрия және жаңа технологиялар министрі, вице-премьер Исет Исекешев жүлделерін табыс етті.
Астана. 28-желтоқсан. Kazakhstan Today - "Қазақстанның үздік тауары" республикалық байқауының қорытындысы бойынша "АЗИЯ АВТО" қазақстандық көлік құрастыру зауыты "Халыққа арналған үздік тауарлар" номинациясы бойынша жеңімпаз деп танылды, деп хабарлайды Kazakhstan Today агенттігінің тілшісі.
BNews.kz ақпараттық агенттігінің хабарлауынша, биылғы жылы республикалық байқауға аймақтық конкурстарда жеңіп шыққан 169 компания қатысты. Отандық үздік компанияларға ҚР Индустрия және жаңа технологиялар министрі, вице-премьер Исет Исекешев жүлделерін табыс етті.
"АЗИЯ АВТО" АҚ аталған республикалық деңгейдегі байқауда осымен екінші рет жеңімпаз болып отыр. 2007 жылы Қазақстан Республикасы Президентінің "Алтын сапа" жүлдесін жеңіп алған.
"АЗИЯ АВТО" сапа менеджменті жүйесі "T?V International Certtification" (Германия) халықаралық ISO 9001:2008 стандартына сәйкес сертификатталған.
Кәсіпорын қазіргі таңда әлемдік танымал көлік маркаларының 20 үлгісін құрастырып шығарады. 2012 жылдың 11 айының қорытындысы бойынша 13 307 қазақстандық "АЗИЯ АВТО" АҚ өнімін сатып алыпты.
"2012 жылы көліктер сату көрсеткішіміз айтарлықтай артты. Алдағы жылы да өндіріс көлемін 2,5 есеге арттыру жоспарланған. Биылғы жылы біз қазақстандықтарға көліктердің үш жаңа үлгісін ұсындық. Келесі жылы тағы да жаңадан 11 көлік үлгісі шығарылады. Олар 2012 жылы Париж, Женева мен Лос-Анджелесте алғаш рет автошоуда назарға ұсынылған көлік үлгілері", деді "АЗИЯ АВТО" АҚ директорлар кеңесі төрағасы Анатолий Балушкин.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.