Азық-түлік келісім шарт корпорациясы шаруалардыӊ тұқым сатып алуына 832,7 млн теӊге қаржыландырды
Астана. 18 ақпан. Kazakhstan Today - "Азық-түлік келісім шарт корпорациясы" ҰК" АҚ (Азық-түлік корпорациясы) 2014 жылдыӊ қарашасынан бастап бидайды форвардтық сатып алу бағдарламасы бойынша жалпы сомасы 832,7 млн теӊгеге бидай сатып алуды қаржыландырды, деп хабарлады ұлттық компанияда, деп хабарлайды Kazakhstan Today агенттігініӊ тілшісі.
"Азық-түлік корпорациясы жеке меншік және тартылған ақшалай қаражат есебінен егуге жарамды бидай тұқымын немесе бидайды сатып алуға АӨК субъектілерін қаржыландыру арқылы бидайды форвардтық сатып алу бағдарламасын іске асыруды аяқтады. Жалпы аталған бағдарлама бойынша Азық-түлік корпорациясы жалпы сомасы 832,7 млн теӊгеге ауыл шаруашылығы тауар өндірушілердіӊ 75 өтінімін қаржыландырды", - делінген хабарламада, деп хабарлайды www.primeminister.kz тілшісі.
Азық-түлік келісім шарт корпорациясыныӊ мәліметінше, 2014 жылғы қараша айыныӊ соӊында басталған бағдарламаға Қостанай және Солтүстік Қазақстан облыстарыныӊ аграриялары қатысқанын естеріӊізге саламыз. Олардыӊ тізімдері облыстық әкімдіктер жанындағы облыстық үйлестіру кеӊестерімен жасалды. АШТӨ қаржыландыру 1 га егіс алаӊына 6 000 теӊге есебінен жүзеге асырылды. Аграриялар өз міндеттемелерін бидай жеткізілімі арқылы 2015 жылдыӊ 1 қарашасына дейін орындауы тиіс.
Егіс кампаниясын жүргізу үшін аграрияларды қаржыландыру бюджеттік несие қаражаты есебінен жалғасып жатырғанын айта кету керек. Қазіргі уақытта Азық-түлік келісім шарт корпорациясы әлеуметтік-кәсіпкерлік корпорациялар кепілдемесімен көктемгі-жазғы қаржыландыру арқылы АШТӨ-ден бидай мен арпаны форвардтық сатып алу бағдарламасына кірісіп кетті.
Оны іске асыруға ҚР Ауыл шаруашылығы министрлігінен жалпы сомасы 17 млрд 650 млн теӊге бюджеттік қаражат бөлінді.
2015 жылғы 17 ақпандағы жағдай бойынша бағдарлама аясында Азық-түлік келісім шарт корпорациясына Қостанай және Солтүстік Қазақстан облысыныӊ аграрияларынан жалпы сомасы 1,5 млрд теӊгеден астам 136 өтінім келіп түсті.
"Азық-түлік келісім шарт корпорациясы" ұлттық компаниясы" АҚ-ныӊ негізгі қызметі мемлекеттік астық ресурстары мен одан қайта өӊделген өнімдерді сатып алу, қалыптастыру, есепке алу, сақтауды ұйымдастыру, жаӊарту, орнын ауыстыру, сатуды қамтамасыз ету, сондай-ақ Қазақстанныӊ Үкіметі белгілеген басқа да қызметтер болып табылады. Компанияныӊ жалғыз акционері "ҚазАгро" ұлттық басқарушы холдингі" АҚ болып табылады.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.