Батыс Қазақстан облысында қырылған ақбөкендердің саны 1200 бас болды, көбінесе ұрғашылары шығынға ұшыраған - АШМ
Батыс Қазақстан облысында қырылған ақбөкендердің саны 1200 бас болды, көбінесе ұрғашылары шығынға ұшыраған - АШМ
Астана. 21 мамыр. Kazakhstan Today - Батыс Қазақстан облысында қырылған ақбөкендердің саны 1200 бас болды, көбінесе ұрғашылары шығынға ұшыраған, деп хабарлайды Kazakhstan Today ҚР Төтенше жағдайлар министрлігінің баспасөз қызметіне сілтеме жасап.
Баспасөз қызметінің ақпаратына сәйкес, 18 мамырда қырылған 100-ге жуық ақбөкеннің өлексесі табылғаны туралы хабар келген. Хайауанаттардың қырылу себептерін тексеру үшін комиссия құрылды. "Комиссияның жедел ақпаратына сәйкес, Жәнібек ауданының Борсы ауылдық округінің аумағында бірінші күнгі тексеру барысында қырылған ақбөкендердің саны 1200-ге жуық басты құрады", - деп хабарлайды баспасөз қызметі.
"Бұның алдында, ағымдағы жылдың 15 - 17 мамырында инспекторлар осы өңірде күннің райы жақсы болғанына қарамастан, табиғаты беймәлім сұрғылт түсті тұманды байқаған". "Өлген жануарлардың өлімтіктеріне сырттай қарағанда, олардың іштері кеуіп кеткендігі, ауыздарынан жасыл түсті көбік шығып, іші өткені байқалады. Ақбөкендердің өлімтіктері мен іші-қарны тексеруге мал дәрігерлік зертханаға берілді. Комиссияның жұмысы одан әрі жалғасуда", - деп хабарлайды баспасөз қызметі.
ҚР Ауылшаруашылығы министрлігінің хабарлауынша, бұл оқиға туралы Бас прокуратура, Ішкі істер министрлігі, Төтенше жағдайлар министрлігі, Қорғаныс министрлігі, ҚР Қоршаған ортаны қорғау министрлігі, Білім және ғылым министрлігі, ҚР ҰҚК, ҚР Ауылшаруашылығы министрлігі агроөнеркәсіптік кешендегі мемлекеттік инспекция комитеті мен Батыс Қазақстан облысының әкімдіктеріне хабарландырулар жіберілді.
"Қазақстанда 2009 жылғы есеп бойынша ақбөкендердің жалпы саны 81 мың басты құрайды, соның ішінде орал популяциясының саны 26,6 мың басқа жетеді", -деп хабарлайды ҚР Ауылшаруашылығы министрлігінің баспасөз қызметі.
Бұдан бұрын да хабарлағанымыздай, Батыс Қазақстан облысының Жәнібек ауданында ақбөкендер жаппай қырылу оқиғасы байқалды, деп хабарлайды Kazakhstan Today ҚР Төтенше жағдайлар министрлігінің баспасөз қызметіне сілтеме жасап.
Баспасөз қызметінің ақпаратына сәйкес, "кеше сағат 11.20-да Жақсыбай ауылдық округінің Айдарлы, Жұмаш; Борсы ауылдық округінің Вышка, Қайдар, Шалаш пункттерінен ақбөкендердің Оралдық популяциясының басым бөлігі шоғырланған Жәнібек ауданының аумағында ақбөкендердің жаппай қырылу оқиғасы байқалды деген хабар келген".
ТЖМ хабарламасына сәйкес, "орман және аң шаруашылығы инспекторлары ақбөкендер жаппай шоғырланған жерлерді аралап шыққан кезде 200 бас ұрғашы ақбөкеннің шығынға ұшырағаны анықталған".
Ал үй жануарларының ауыру немесе қырылу оқиғалары байқалмаған, болған оқиғаның себебін анықтау жөніндегі комиссия құрылды, деп хабарлайды баспасөз қызметі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.