Электр қуатының тарифтерінің өсімі 2008 жылы 15,7% құрайды деп күтілуде - Табиғи монополияларды реттеу агенттігі (толықтырылған нұсқа)

Астана. 11 наурыз. "Қазақстан Бүгін" - Электр қуатының тарифтерінің өсімі 2008 жылы 15,7% құрайды деп күтілуде. Бұл туралы бүгін өткен үкіметтің отырысында Табиғи монополияларды реттеу агенттігінің төрағасы Нұрлан Алдабергенов құлағдар етті, деп хабарлайды агенттік тілшісі.

"Ағымдағы жылы электр қуатының орташа құнының шектеулі өсуі 15,7% деңгейінде болады деп болжануда", - деді Н. Алдабергенов.

"Бұл ретте ірі электр станциялары мен аймақтық жылу энергетикалық орталықтарында өндірілген электр қуатының құны 3 - 13% аралығында өзгереді. Оңтүстік өңірлердің тұтынушылары үшін электр қуатының құны 6 - 17%, солтүстік өңірлерде 2 - 10% аралығында өзгереді", -деді ол.

Орталықтандырылған жылу құнының шектеулі өсімі агенттік болжамына сәйкес 9,8% деңгейінде, ал жылу энергиясының құнының ұлғаюы жекелеген кәсіпорындарда 4 - 8% аралығында болмақ.

"Осы орайда көмір мен мазут бағасы 2007 жылғы желтоқсан айындағы деңгейде болуға тиіс", - деді Н. Алдабергенов. Оның хабарлауынша, суық судың тарифтерінің болжамды өсімі 2008 жылы 12,3% құраса, кәсіпорындардың басым бөлігі бойынша баға өсімі 4%-дан аспайды.

Сондай-ақ, Табиғи монополияларды реттеу агенттігінің мәліметінше, газ бағасы 15%-ға дейін, ыстық судың бағасы 11,7%-ға дейін , кәріз жүйесінің құны 9,8 %-ға дейін өсуге тиіс.

Ағымдағы жылы тарифтер өсімінің осындай шектеулі көрсеткіштері , Н. Алдабергеновтың пікірінше, реттелетін коммуналдық қызметтердің 2008 жылы инфляцияға қосатын үлесінің ең шектеулі өсімі 1,5%-дан асырмауға мүмкіндік береді.

"Бұл ретте 1,02% - ағымдағы жылдың 1 маусымынан бастап еліміздің оңтүстік өңірлерінде, сондай-ақ, Қостанай және Батыс Қазақстан облыстарында газдың құнын $85 дейін өсіру есебінен бағаның ұлғаю үлесі болып табылады. Қалған үлес басқа өңірлерде су қамтамасыздығы, жылу және энергия қамтамасыздығы қызметтерінің құнын инфляцияға 0,48% үлеспен өзгертуге тиесілі", -деді агенттік басшысы.

Оның айтуынша, егер монополистер мен доминанттар тарапынан ұсынылған барлық шығындарды тарифтерге қосқан жағдайда агенттік реттейтін қызметтердің инфляцияға үстемелейтін есептік үлесі 1,5 емес, 7,95%-ды құрайтын еді. Н. Алдабергенов осы орайда 2006 жылы 8,36% деңгейінде қалыптасқан инфляция кезінде Табиғи монополияларды реттеу агенттігі реттейтін қызметтердің үлесі 1,36%-ды құраса, 2007 жылы 18,8% деңгейінде қалыптасқан инфляция кезінде тиісті көрсеткіш 2,15% болғанын еске салды.

Бұған қоса , Н. Алдабергенов енді жаңадан қаралатын өтініштер бойынша жаңа тарифтерді мынадай мерзімде енгізуді ұстану орынды деп санайды : сәуір - электр қуатын өндіруге тарифтер енгізу, мамыр - шілде - электр қуатымен қамтамасыз ету және оны жалғастыру тарифтері , маусым - тамыз - су арнасы мекемелерінің тарифтері, шілде - тамыз - газ қамтамасыздығы тарифтері және қазан-қараша -жылу энергиясының тарифтері.

Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті