Энергетика және минералды ресурстар министрлігі ішкі нарыққа мұнай жеткізу жөніндегі өз міндеттемелерін орындамай отырған мұнай компаниялары үшін экспорттық талаптарды күшейтеді (толықтырылған нұсқасы)
Энергетика және минералды ресурстар министрлігі ішкі нарыққа мұнай жеткізу жөніндегі өз міндеттемелерін орындамай отырған мұнай компаниялары үшін экспорттық талаптарды күшейтеді (толықтырылған нұсқасы)
Астана. 18 шілде. "Қазақстан Бүгін" - Энергетика және минералды ресурстар министрлігі ішкі нарыққа мұнай жеткізу жөніндегі өз міндеттемелерін орындамай отырған мұнай компаниялары үшін экспорт бойынша талаптарды күшейтеді. Бұл туралы мұнай өңдейтін компаниялардың өкілдерімен болған жиналыстан кейін журналистерге берген сұхбатында ведомство басшысы Сауат Мыңбаев мәлім етті, деп хабарлайды "Қазақстан Бүгін" агенттігінің тілшісі.
"Мұнай ресурстарына қатысты айтарым, қазір ішкі нарыққа тасымалды айтарлықтай арттыру бойынша шешім қабылданды", - деп атап көрсетті министр.
"Біз бұл мәселені әкімшілік тұрғыдан жартылай реттейміз. Осыны істеуге мәжбүрміз. Егер (мұнай өңдейтін зауыттарға шикі мұнайды дер кезінде жеткізбеу бойынша - агенттік ескертпесі) қалыптасқан жағдай тез арада түзелмесе, таяу күндері ішкі нарыққа мұнай жеткізу жөніндегі тапсырманы орындамай отырған жер қойнауын пайдаланушылар үшін шикі мұнай экспорты бойынша қосымша шектеулер қабылданады", - деп мәлімдеді С. Мыңбаев.
Жанармай бағасының қымбаттау себептері жөніндегі сауалдарға жауап берген министр объективтік және субъективтік себептер барлығын атап өтті. "Объективті себептерге дүниежүзі мен көрші елдердегі жалпы динамика, сондай-ақ, мұнай өнімдерінің жалпы тұтыну көлемінің артуы жатқызылады. Оның үстіне, мұнай өңдеу зауыттарында жөндеу жұмыстары жүргізілді", - деп түсіндірді ол.
"Субъективтік себептер де бар. Бұл - мұнай өңдеу зауыттарын толтыру кестесі бұзылып, Ресейден Атырау мұнай өңдеу зауытына шикі мұнайды жеткізу көлемінің толық орындалмауынан жетіспеушілік туындады", - деді С. Мыңбаев.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.