Есеп комитетінде республикалық бюджет қаражатының пайдаланылуына жүргізілген мемлекеттік аудиттің қорытындысы бойынша кезекті отырыс өтті
Есеп комитетінде Қазақстан Республикасы Ішкі істер министрлігінің Қылмыстық-атқару жүйесі комитетіне және Әкімшілік полиция комитетіне жекелеген бюджеттік бағдарламалар бойынша бөлінген республикалық бюджет қаражатының пайдаланылуына жүргізілген мемлекеттік аудиттің қорытындысы жасалды.
Нұр-Сұлтан. 14 сәуір. Kazakhstan Today - Есеп комитетінде Қазақстан Республикасы Ішкі істер министрлігінің Қылмыстық-атқару жүйесі комитетіне және Әкімшілік полиция комитетіне жекелеген бюджеттік бағдарламалар бойынша бөлінген республикалық бюджет қаражатының пайдаланылуына жүргізілген мемлекеттік аудиттің қорытындысы жасалды.
Министрлік тарапынан қоғамдық тәртіпті қорғау, қоғамдық қауіпсіздікті қамтамасыз ету және қылмыстық-атқару жүйесі саласында жұмыс жасалып жатқаны атап өтілді.
Қазақстанның қылмыстық-атқару жүйесінде 2016-2018 жылдар аралығында "түрмеде отырғандардың" 13,2%-ға төмендеу үрдісі байқалады. Қылмыстық-атқару жүйесікомитеті бас бостандығынан айыру орындарынан босатылған және пробация қызметінде есепте тұрған адамдарды кешенді әлеуметке қосудың ұлттық жүйесін құру жұмыстарын жүргізуде.
Сонымен қатар, Ішкі істер министрлігінде жүргізілген мемлекеттік аудиттің қорытындысы бойынша стратегиялық және операциялық жоспарлардың, сондай-ақ бюджеттік бағдарламалардың атқарылуын жоспарлау, іске асыру және бақылау бойынша жүйелі жұмыстың жоқтығы атап өтілді.
Соңғы 6 жылда жол жүруқауіпсіздігін қамтамасыз ету саласында Ішкі істер министрлігінің Стратегиялық жоспарындағы жол-көлік оқиғаларында қаза тапқандардың санын азайту жөніндегі нысаналы индикаторы жақсармай отыр. Бұл ретте,адамдар өлімінің басты себептерінің бірі жылдамдықты арттыру болып табылады. Осылайша, аталған себептерге байланысты 2018 жылы жол-көлік оқиғаларының 28,7%-ы адамдардың өліміне немесе жарақаттануына әкеп соққан.
Қылмыстық-атқару жүйесі комитетіндесотталғандарды жұмысқа орналастыру жұмыстары тиісті деңгейде жүргізілмеуде. Соңғы 2 жылда жұмыспен қамту көрсеткіштерінің нашар болу себептерінің бірі -қылмыстық-атқару жүйесіндегі "Еңбек" кәсіпорындарында жұмыс істейтін сотталғандар санының төмендеуі.
Қылмыстық-атқару жүйесі мекемелерінде кәсіптік білім беру мамандықтары бойынша оқудан өткен сотталғандардың негізгі бөлігі алған мамандығы бойынша жұмыс істемейді немесе мүлдем жұмысқа орналаспаған.
Бұған қоса жалпы сомасы 338,6 млн. теңгеге бюджет қаражатын тиімсіз пайдаланғаны, сондай-ақ қоғамдық тәртіпті қорғау, қоғамдық қауіпсіздікті қамтамасыз ету және қылмыстық-атқару жүйесі саласында жүйелік кемшіліктер анықталды.
Отырыс қорытындысы бойынша Есеп комитеті анықталған бұзушылықтар мен кемшіліктерді жою, бюджет және өзге де заңнама талаптарының сақталуын қамтамасыз етпеген лауазымды адамдардың жауаптылығын қарау бойынша тапсырмалар берді.
Әкімшілік құқық бұзушылық жөніндегі істерді қарауға уәкілетті органға процестік шешім қабылдау үшін мемлекеттік аудит туралы заңнама бұзушылықтарының 3 фактісі бойынша мемлекеттің аудиттің материалдары жіберілді.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.