GPS-навигацияның көмегімен егін шаруашылығын жобалау егіннің шығымын 30 пайызға арттыруға мүмкіндік береді
Бизнес-инкубация бағдарламасының аясында егін шығымын 40 пайызға дейін арттыруға мүмкіндік беретін ақпараттық технологияны енгізу жобасы іске асырылуда, - деп хабарлады өнертапқыш, Қазақтың С.Сейфуллин атындағы агротехникалық университеті техникалық факультетінің деканы Саяхат Нүкешев Pm.kz сайтына берген сұхбатында.
Астана. 22-маусым. Kazakhstan Today - GPS-навигацияның көмегімен егін шаруашылығын жобалау егіннің шығымын 30 пайызға арттыруға мүмкіндік береді, деп хабарлайды Kazakhstan Today агенттігінің тілшісі.
Бизнес-инкубация бағдарламасының аясында егін шығымын 40 пайызға дейін арттыруға мүмкіндік беретін ақпараттық технологияны енгізу жобасы іске асырылуда, - деп хабарлады өнертапқыш, Қазақтың С.Сейфуллин атындағы агротехникалық университеті техникалық факультетінің деканы Саяхат Нүкешев Pm.kz сайтына берген сұхбатында.
Нақты егін шаруашылығының ерекшелігі сол, минералдық тыңайтқыштар топыраққа оңтайлы және саралап енгізіледі, сонда топырақ минералдық элементтерге "тұншықпайды". Ол үшін топырақтарға жасалған талдаудың негізінде GPS-карталар жасалады. Топырақтың құрамы, тығыздығы және координаты туралы мәліметтер компьютерге енгізіледі де, соның негізінде егістік картасы жасалады. Минералдық тыңайтқыштар сол картаның негізінде топыраққа себіледі.
"Бұл жаңа технологияда топырақтағы әрбір қоректендіруші элемент ескеріледі. Топыраққа жасалған талдаудың негізінде GPS немесе ГЛОНАСС жүйелерінің форматында карта жасалады. Сол электрондық карта бойынша тыңайтқыштар топыраққа енгізіледі. Бұл технологияның арқасында минералдық тыңайтқыштарды 30-50 пайызға дейін үнемдеу мүмкіндігі туады",- дейді жоба авторларының бірі Саяхат Нүкешев.
Ғалымның айтуынша, минералдық тыңайтқышты үнемдеу өз кезегінде топыраққа түсетін агрохимиялық "салмақты" азайтуға сеп болады, соның нәтижесінде келешекте топырақ ресурстары сапалық және тиімді негізде пайдаланылатын болады.
Бұл әдістемені қолдану үшін С.Сейфуллин атындағы Қазақ агротехникалық университетінің техникалық факультетінде минералдық тыңайтқыштарды саралап себуге арналған культиватор техникасы жасалып отыр. Бұл техника минерал себумен қоса, егін егу машинасының да қызметін атқара алады.
Айта кету керек, ТМД кеңістігінде әзірге мұндай техника жоқ. Университет ғалымдары жасаған культиватор сынақ қорытындысы бойынша өзінің тиімділігін көрсете алды. GPS жүйесімен басқарылатын әмбебап машина егіннің шығымдылығын 35-40 пайызға арттыруға мүмкіндік береді.
Саяхат Нүкешевтің айтуынша, "бұл техниканы сериялық өндіріске шығару ауыл шаруашылығы саласының да, машина жасау индустриясының да деңгейін көтеруге мүмкіндік беретін болады".
Технологиялық бизнес-инкубация бағдарламасын ҚР Индустрия және жаңа технологиялар министрлігі 2010 жылы іске асыра бастады. Индустриялық-инновациялық қызметті мемлекеттік қолдау тетіктерінің бірі болып табылатын бағдарламаның операторы - "Технологиялық даму жөніндегі ұлттық агенттік" АҚ.
2011 жылы бағдарламаға қатысуға 209 өтініш беріліп, соның ішінде технологиялық бизнес инкубация үшін 40 жоба іріктелді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.