Интеграция аясында ауыл шаруашылығы өнімін қайта өңдеуге басымдық беріледі
Қостанай облысы үшін еліміздің басқа өңірлеріндегідей интеграциялық процестер маңызды. Жалпы, аймақтың экономикасы индустриялық-агарарлық бағытта дамиды. Аймақтың ЖӨӨ-нің 33%-дан астамы өндірістік - аграрлық салаға тиесілі. Өткен жылы жалпы өңірлік өнім 1 трлн. 310 млрд. теңгеден астам қаражатқа өндірілді және ол 2012 жылмен салыстырғанда 6,6% өсті.
Алматы. 23 мамыр. Kazakhstan today. Бүгін ҚР Президенті жанындағы ОКҚ өткен бирфингте Қостанай облысы әкімінің орынбасары Мұрат Дәрібаев еуразиялық интеграция аясындағы аймақаралық қарым-қатынас мәселелерін кеңінен әңгімеледі.
"Еуразиялық экономикалық одақ құру қарсаңында одаққа мүшелік ететін елдердің өңірлік қарым-қатынас мәселелері маңызды. Осы мақсатта реттейтін нормативті құқықтар базасы жасақталуда. Ол экономиалық тұрғыда байланыс орнатуға, атап айтатын болсақ өндіріске жаңа технологияларды ендіруде, инвестиция тартуда, ғылыми-зерттеу байланыстарын орнатуда маңызды. Бұл одақтың пайдасы зор, оның еркін сауда аймағын құруда, кедендік кедергілерді қалыптасуда, қосымша инвестиция тартуда септігі жоғары", - деді сөз басында аймақ басшысының орынбасары.
Сонымен қатар, ол ЕАЭО құрудың пайдасы мен тәуекелдерін алдын-ала есептеу мүмкін емес екендігін жасырмады. Алайда, КО ен БЭК пайдасын отандық кәсіпкерлер сезінді, деді ол.
"Қостанай облысы үшін еліміздің басқа өңірлеріндегідей интеграциялық процестер маңызды. Жалпы, аймақтың экономикасы индустриялық-агарарлық бағытта дамиды. Аймақтың ЖӨӨ-нің 33%-дан астамы өндірістік - аграрлық салаға тиесілі. Өткен жылы жалпы өңірлік өнім 1 трлн. 310 млрд. теңгеден астам қаражатқа өндірілді және ол 2012 жылмен салыстырғанда 6,6% өсті. Айта кетерлік жайт, біздің өңір үшін ауыл шаруашылығы, аграрлық-өндірістік, өндірістік салада байланыс орнатқан тиімдірек. Себебі, облыс тұрғындарынын 48% ауылда тұрады. Сондықтанда интеграция аясында біз малшаруашылығына және ауылшаруашылығы өнімін қайта өңдеуге басымдылық береміз", - деп Мұрат Дәрібаев ағынан жарылды.
Бұдан басқа, ол, интеграция аясында 5 млн. астам егін алқабы бар аймақ осы салада инвестициялық жобаларды жүзеге асыруға қызығушылық танытуда, деп атап өтті. Дәлірек айтатын болсақ, бидайды қайта өңдеу, ауылшаруашылығы өнімдерін даярлауда инновациялық технологияларды тарту болып табылады.
"Төрт жыл ішінде аграрлық кешен бойынша жалпы құны 50 млрд. долл. асатын 85 жоба, қайта өңдеу саласында 23 жоба жүзеге асырылды. Күрделі жобаларды жүзеге асыруда ҮИИДМБ септігі зор болды. Аталмыш бағдарлама аясында өңірде негізі 69 жоба іске қосылды. Бұдан басқа машинақұрылысы, ауылшауашылығы өнімдерін қайта өңдеу саласында бірнеше ірі жобалар жүзеге асырылды", - деп аймақтың соңғы жылдары жеткен жетістіктерін Мұрат Дәрібаев тізіп берді.
Сондай-ақ, аймақ басшысының орынбасары бүгінде Ресей, Белорусия елдерінің өңірлерімен байланыс орнатылғанын, ЕАЭО аясында олар нығайтылатынын тілге тиек етті.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.