АСТАНА. 20 - маусым. Kazakhstan Today. Италия үкіметі Қазақстанды негізгі экономикалық серіктестерінің бірі ретінде қарайды. Бұл туралы бүгін өнеркәсіптік және экономикалық ынтымақтастық және алмасу жөніндегі үкіметаралық жұмыс тобының 4-ші отырысының аяқталуына орай Италия Республикасының сыртқы сауда министрінің орынбасары Милош Будин мәлім етті, деп хабарлайды Kazakhstan Today агенттігінің тілшісі.
"Біздің ынтымақтастығымыз іс-қызметтің барлық саласында өрби алады, бұл Қазақстан мен Италияның бір-бірі үшін негізгі серіктес болуына мүмкіндік береді. Бұл Ииталия үкіметінің қалауы болып табылады",- деді Милош Будин.
"Бүгін үкіметаралық жұмыс тобының екі ел арасындағы экономика, мәдениет және өнеркәсіптегі ынтымақтастығын күшейтуге бағытталған өте ойдағыдай отырысы өтті. Біздің екі ел арасындағы келешекте дамыта алатын ең күшті жақтарды анықтауға бағытталған ынтымақтастық",- деп қосты ол.
Қазақстан Республикасының вице-премьері - экономика және бюджетті жоспарлау министрі Аслан Мусин өз кезегінде журналистерге отырыс барысында 13 мәселенің талқыланғандығын хабарлады. "Олар екі ел арасындағы өзара ықпалдастықтар мен іс-қызметтердің барлық салаларына қатысты",- деп қосты ол. С. Мусиннің бағалауынша, екі ел арасындағы қарым- қатынас "қарқынды дамып келе жатыр, Италия біздің басты серіктестеріміздің бірі болып табылады, біздің өзара ықпалдастығымыз, тауар айналымының көлемі жыл санап өсіп келеді". "Бүгін біз сондай-ақ мәдениетке, спортқа, Астананың дамуына қатысты мәселелерді көтердік, барлық мәселелер бойынша біз өзара түсіністік таптық",- деп қорытындылады ол.
ҚР Экономика және бюджеттік жоспарлау министрлігінің баспасөз қызметінің мәліметтеріне сүйенсек, үкіметаралық жұмыс тобының отырысында, сондай-ақ, Қазақстандағы шағын және орта кәсіпкерлікті, мұнайгаз саласы мен ауылшаруашалық саласын дамыту мәселелері талқыланған. Кедендік бақылау комитетінің мәліметтеріне сүйенсек, 2006 жылы Қазақстан Республикасы мен Италия арасындағы сыртқы тауар айналымы 8,3 млрд АҚШ долларын құраған, бұл көрсеткіш 2005 жылмен салыстырғанда 70 пайызға өскен. "Қазақстан Республикасының сыртқы сауда айналымындағы Италияның үлес салмағы өткен жылдың қорытындысы бойынша 13,4 пайызды құрайды, ал 2005 жылғы көрсеткіш 10,8 пайыз",- деп айтылған журналистерге таратылған анықтама материалдарында.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Италия үкіметі Қазақстанды негізгі экономикалық серіктестерінің біріне балайды - Италия Республикасының сыртқы сауда министрінің орынбасары
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.