01.06.2021, 21:05 10134

Қаржы реттеушісі АТФБанктің Jusan Bank-ке қосылуын мақұлдады

"АТФБанктің Jusan-ға қосылуы филиалдар мен банкоматтардың біріктірілген желісіне ғана емес, жаңа өнімдер мен сервистерге де кең қолжетімділік аша отырып, екі банктің де клиенттері үшін бірегей мүмкіндіктер береді".
НҰР-СҰЛТАН. 1 МАУСЫМ - Қазақстан Республикасы қаржы нарығын және қаржы ұйымдарын реттеу және қадағалау агенттігі АТФБанктің Jusan Bank-ке қосылу арқылы оны ерікті түрде қайта ұйымдастыруға рұқсат берді, деп хабарлайды KAZAKHSTAN TODAY "АТФБанк" АҚ баспасөз қызметіне сілтеме жасап.
 
Бұрын АТФБанктің Jusan Bank-ке қосылуы туралы мәселе екі банктің акционерлерінің бірлескен жалпы жиналысында оң түрде қарастырылып, заңнама талаптарына сәйкес барлық қажетті құжаттар 2021 жылғы сәуір айында реттегішке қарау үшін жіберілген болатын, деп хабарлайды Jusan Bank және АТФ банктің баспасөз қызметі.
 
Қосылу нәтижесінде Jusan Bank активтер мен капиталының көлемі бойынша Қазақстанның ең ірі банктерінің үштігіне кіреді, ал бірігу аяқталғаннан кейін оның активтерінің шоғырландырылған көлемі 3 трлн.теңге көрсеткішке жетеді, бұл Қазақстанның банктік секторының нарықтық үлесінің шамамен 10%-ын құрайтын болады. 
 

АТФБанктің Jusan-ға қосылуы филиалдар мен банкоматтардың біріктірілген желісіне ғана емес, жаңа өнімдер мен сервистерге де кең қолжетімділік аша отырып, екі банктің де клиенттері үшін бірегей мүмкіндіктер береді. Қазір екі банктің командалары ағымдағы жылдың аяғына дейін жоспарланып отырған АТФБанк клиенттерінің жайлы түрде ауысуы барысында еңбек етіп жатыр", - дейді Jusan Bank басқармасының төрағасы Айбек Қайып.

 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны