АСТАНА. 5 - маусым. Kazakhstan Today. Қазақстан Республикасының қаржы нарығы мен қаржылық ұйымдарды реттеу және қадағалау жөніндегі агенттігінің төрағасы Арман Дунаевтің пайымдауынша, салымшылар зейнетақы қорларындағы ақшаны ипотекалық несие алу үшін пайдалана алмайды. Бұл туралы ол бүгін үкімет отырысында мәлім етті, деп хабарлайды Kazakhstan Today агенттігінің тілшісі.
"Біз бұл мәселеге түбегейлі қарсымыз, біздің пайымдауымызша, зейнетақы қорының ақшасы, яғни салымшының ақшасы ипотекалық несиелер, тұрғын үй несиелерін алу үшін пайдаланылмайды",- деді А. Дунаев.
"Тәуекел өте жоғары, сондықтан да Қаржы министрлігі мен Еңбек министрлігі сілтеме жасап отырған бірқатар елдердегі тәжірибе сыни көзқараспен қосымша бағалануға тиіс, біз осы мәселеге қатысты өзіміздің ұсынысымызды тиісті жұмыс тобына жолдадық",- деп қосты ол.
Индустрия және сауда министрі Ғалым Оразбақов өз кезегінде, өзінің мекемесінің әзірлеген тұрғын үй құрылысы бағдарламасының жобасы "зейнетақы жинағын ипотекалық несие алуға пайдалану мүмкіндігін қарастыратындығын" хабарлады. "Аталмыш жоба Еңбек және әлеуметтік қорғау министрлігімен келісілген, Қаржы министрлігі бұл жұмысқа басшылық етуде, вице-министр Ерғожиннің жетекшілігімен жұмыс тобы құрылған, олар зейнетақы қорының қаржысын ипотекалық несие алу үшін пайдалануды қандай жолмен жүзеге асыру мүмкіндігі төңірегінде механизм әзірлеуде",- деп түсіндірді ол.
Қазақстан Республикасының Еңбек және әлеуметтік қорғау министрі Гүлжан Қарағұсова аталмыш жұмыс тобының "Сауд Арабиясы мен Біріккен Араб Имірліктерінің тәжірибесін негізге алғандығын" түсіндіріп өтті. "Онда зейнетақы қорларының қаржысы тұрғын үй сатып алу үшін жұмсалады, ол үшін адам аннуитет сатып алуы қажет. Одан қалған ақшаны адам ипотекалық несие алуға пайдалана алады. Отбасы мүшелерінің ақшаларын да пайдалану мүмкіндігі бар",- деді ол. Министр сондай-ақ, бұл елдерде "егер аннуитет сатып алмаса, міндетті орташа зейнетақы төлемі белгіленетінін және де салымшы аннуитеттің сыртында жинаған ақшасын тұрғын сатып алуға пайдалана алатындығын", хабарлады.
"Яғни, адамның мемлекетке алақан жаймай, белгілі бір кезеңге дейін өз бетімен өмір сүре алатын ақшасының сақталатындығына мемлекет кепілдік береді, ал оның сыртындағы жиған ақшасын өз еркімен пайдалануға құқылы",- деп қосты Г. Қарағұсова.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қаржылық бақылау агенттігінің басшысы зейнетақы қорларындағы ақша ипотекалық несие алу үшін пайдаланылмауға тиіс деп санайды
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.