"ҚазАгро" несиелік процестерді оңтайландырмақ
2012 жылдың басынан бастап "ҚазАгро" Ұлттық басқарушы холдингі республиканың аграрлық секторын қолдауға арнап 144,6 млрд теңге бағыттады. Осы ретте қаржыландыру құрылымындағы бюджеттік қаражаттың үлесі 34% деңгейінде. Бұл туралы Басқарма төрағасы Дулат Айтжанов Шығыс Қазақстан облысына жұмыс сапары кезінде сол аймақтың аграрлық шаруашылықтарының өкілдерімен кездесу барысында айтты, деп хабарлайды компанияның баспасөз қызметі.
Астана. 4-желтоқсан. Kazakhstan Today - "ҚазАгро" несиелік процестерді оңтайландырмақ, деп хабарлайды Kazakhstan Today агенттігінің тілшісі.
2012 жылдың басынан бастап "ҚазАгро" Ұлттық басқарушы холдингі республиканың аграрлық секторын қолдауға арнап 144,6 млрд теңге бағыттады. Осы ретте қаржыландыру құрылымындағы бюджеттік қаражаттың үлесі 34% деңгейінде. Бұл туралы Басқарма төрағасы Дулат Айтжанов Шығыс Қазақстан облысына жұмыс сапары кезінде сол аймақтың аграрлық шаруашылықтарының өкілдерімен кездесу барысында айтты, деп хабарлайды компанияның баспасөз қызметі.
Холдинг басшысының айтуынша, қаражаттың көп бөлігі (шамамен 114,5 млрд теңге), АӨК субъектілері мен тұрғындарды несиелеуге, ал қалған бөлігі (28,7 млрд теңге) - түрлі ауыл шаруашылық өнімдерін сатып алуға бағытталды.
Шығыс-Қазақстан облысының агробизнесін қаржыландыруға қатысты Д.Айтжанов жағдайдың тұрақты екенін атап өтті. Осы жылы облыс осы саланы 6,1 млрд теңгеге қаржыландырды, ал өткен жылдың сәйкес кезеңінде инвестиция сомасы 6,2 млрд теңгені құрады.
"ҚазАгро" холдингінің қызметінде ауылдағы шағын және орта кәсіпкерлікті қолдау - басты бағыттардың бірі.
Жалпы несиелеу көлеміндегі 2012 жылдың 10 айындағы ШОБ несиелеу үлесі 97,6%-ды құрады, бұл шамамен 111,8 млрд теңге. Соның ішінде Шығыс Қазақстан облысына шағын және орта бизнеске 5,1 млрд теңге (4,5%) көлеміндегі несие ресурсы берілген.
Ұлттық холдингтің қолдауының арқасында 12,8 мыңнан астам адамды жұмыспен қамтылды, соның ішінде 1,7 мың жаңа жұмыс орындары құрылды. Ағымдағы жылы Шығыс Қазақстан облысына "ҚазАгро" холдингінің қаржыландыруы есебінен 118 жаңа жұмыс орындары құрылды (7%) және 1 053 адам жұмыспен қамтылды (9%).
Ауылшаруашылық тауар өндірушілерімен кездесу кезінде холдингтің басшысы Дулат Айтжанов 2013 жылы "ҚазАгро" холдингінің алдына қойған негізгі міндеттері жайлы айтты. Жалпы бұл міндеттердің барлығы республиканың ауылшаруашылық тауар өндірушілері үшін қаржы ресурстарына қолжетімділікті кеңейтуге бағытталған. Холдинг несие беру рәсімдерін барынша оңтайландыруға, "бір терезе" принципі бойынша АШТӨ қызмет көрсету жүйесін енгізу арқылы қызмет көрсету сапасын жақсартуға ниет етіп отыр және несиеге қолжетімділік проблемалары бойынша әрі қарай жұмыс жүргізуді жоспарлауда. Бұдан басқа, қазірдің өзінде қоғамдық ұйымдармен және мүдделі мекемелермен бірлесіп, агробизнестің сауда-логистикалық жүйеге кеңінен қолжетімділігін қамтамасыз ету мәселесі шешілуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.