АСТАНА. 7 - маусым. Kazakhstan Today. Қазақстан ағымдағы маркетингтік жылда экспортқа 8,3 млн тонна астық шығарған, деп хабарлады Kazakhstan Today агенттігінің тілшісіне Ауыл шарушылық министрлігінің баспасөз қызметінен.
"2006 -2007 маркетингтік жылда (1-шілдеден 30-маусымға дейін) астық экспортының көлемі 2007 жылдың 1-маусымындағы жағдаймен 8,3 млн тоннаны құраған",- деп хабарлады баспасөз қызметіндегілер, мұның Қазақстанның нарық экономикасынан көшкен жылдардағы ең жоғарғы көрсеткіш болып табылатындығын атай отырып.
Ауыл шарушылық министрлігінің мәліметтеріне сүйенсек, соның ішінде 6,4 млн бидай экспортқа шығарылған, оның 5,8 млн тоннасы - жоғарғы сапалы бидай. "Сонымен қатар, экспортқа 1,3 млн тоннадан астам ұн шығарылған, ол астыққа шаққанда 1,9 млн тоннаны құрайды",- деп атап өтті баспасөз қызметіндегілер.
Үстіміздегі жылдың 1-қаңтарынан 30-мамырына дейін 3,4 млн тоннаға жуық астық, 629,3 мың тонна ұн (астыққа шаққанда 899,0 мың тонна) экспортталған, жалпы қосындысы 4,3 млн тоннаны құрайды.
Министрліктегілер, қазақстандық астық әлемнің 44 еліне экспортталғандығын атап өтті. Сондай-ақ, алыс шетелдерге 3,8 млн тоннаға жуық астық экспортталған, бұл экспортқа шығарылған астықтың жалпы көлемінің 59 пайызын құрайды. Қазақстан астығы келесі елдерге ең көп экспортталған: Түркия - 840,6 мың тонна, Үндістан - 360,6 мың тонна, Сауд Аравиясы - 354,4 мың тонна, Йемен - 352,9 мың тонна, Иран - 305,6, Египет - 227,1 мың тонна. Еуропа одағының елдеріне 505,2 тонна астық шағарылған. ТМД елдерінің ішінде қазақстандық астық экспортының негізгі көлемі Изербайжанның үлесінде - 734,0 мың тонна, ал Ресей Федерациясына - 732,2 мың тонна, Беларусь Республикасына 277,4 мың тонна, Қырғызстанға - 255,0 мың тонна экспортталған.
"Мамандардың айтуынша, астықтың экспорттық әлеуетінің өсуі диқашылықтың заманауи технологиясын пайдалану, тұқым шаруашылығын жетілдіру, минералдық тыңайтқыштарды, химиялық өсімдкітерді қорғау заттарын пайдалану көлемін ұлғайту, мемлекет тарапынан іріктей қолдау мен өсімдік шаруашылығын әртараптандыру бойынша шаралар есебінен болып отыр",- деп айтылған Ауыл шаруашылық министрлігінің хабарламасында.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан ағымдағы маркетингтік жылда экспортқа 8,3 млн тонна астық шығарған
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.