Қазақстан инфляцияның қалыпты қарқынын тұрақтандырды - Қ.Келімбетов
"Сондай-ақ, жақсы көрсеткіш ретінде Ұлттық банктың халықаралық резерві 28 млрд. долл. асты. 2013 жылдың соңына қарай ол 24 млрд. долл. асса, 2012 жылы 28 млрд долл. болатын. Яғни, алтынвалюта қоры 2012 жылғы жағдайға жетті. Бұл макроэкономикалық көрсеткіш көңілімізден шығып отыр", - деді Қ. Келімбетов.
Алматы. 13 мамыр. Kazakhstan today. Бүгін ҚР Президенті жанындағы Орталық коммуникациялар қызметінің брифингінде ҚР Ұлттық банк төрағасы Қайрат Келімбетов бүгінде Қазақстанда инфляцияның қалыпты қарқыны тұрақтандырылып, 2014 жылы бұл көрсеткіш 6-8% аралығында ауытқитынын айтты.
"Макроэкономикалық көрсеткіштерден сәуір айында инфлияция 0,6 пайызды құрады, естеріңізде болар, бірінші маусымда бұл көрсткіш 0,3-ті құраған. Сонымен 4 айдың қорытындысы бойынша, жылдық көрсеткіште 3,9. Бұл 6,5%. Өткен жылы осы уақытта ақшаның құнсыздану көлемі 4,8% болған. Алайда біздің пікірімізше, Қазақстанда инфляцияның қалыпты қарқыны тұрақтандырылып, 2014 жылы бұл көрсеткіш 6-8% аралығында ауытқитын болады", - дейді ол.
Бұдан басқа, ол, 1 тоқсанның қорытындысы бойынша Қазақстанның ағымдағы есепшотының сальдосы жақсы көрсеткіш көрсетіп отыр, деп атап өтті. Дәлірек айтатын болсақ, 5,5 млрд. долл. құрады. Сонымен қатар, ол мысал ретінде өткен жылдың көрсеткіші ретінде тілге тиек етті. Атап айтатын болсақ сальдо -118 млн долл. құрап, көңіл көншітпеді.
"Сондай-ақ, жақсы көрсеткіш ретінде Ұлттық банктың халықаралық резерві 28 млрд. долл. асты. 2013 жылдың соңына қарай ол 24 млрд. долл. асса, 2012 жылы 28 млрд долл. болатын. Яғни, алтынвалюта қоры 2012 жылғы жағдайға жетті. Бұл макроэкономикалық көрсеткіш көңілімізден шығып отыр", - деді Қ. Келімбетов.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.