АСТАНА. 10 - мамыр. Kazakhstan Today. Қазақстан көмірсутегінің басым бөлігі Ресей аумағы арқылы өткенін қолдайды. Бұл туралы бүгін Ресей өкілдерімен кеңейтілген құрамда кездесу барысында Қазақстан Республикасының президенті Нұрсұлтан Назарбаев мәлім етті, деп хабарлайды Kazakhstan Today агенттігінің тілшісі.
"Біз бұл туралы үнемі айтып келеміз. Өткен жылы 52,3 млн тонна Қазақстан мұнайы тасымалданған, оның 42 млн тоннасы Ресей арқылы, КТК арқылы, Атырау - Самара мұнай құбыры мен Орынбор арқылы өткен",- деді Н. Назарбаев.
"Қазір Каспий құбыр консорциумының қуатын - 23 - тен 40 млн тоннаға дейін арттыру мәселесі тұр, оны біз Владимир Владимирович екеуіміз жан-жақты талқыладық"- деді Қазақстан Республикасының президенті.
Оның пайымдауынша, "дәл осы қосылған 17 млн тоннаны Бургас - Александруполисқа жіберуге болады". "Бұл жобаға Қазақстан да қатысуға ниет білдіріп отыр және біз Ресей жағынан көрсетілген қолдауға ризамыз",- деп атап көрсетті Нұрсұлтан Назарбаев.
Оның айтуынша, екі жақ жаңа мұнай құбырын салу мен қолданыстағы құбырды кеңейту бір кезде аяқталу үшін Бургас - Александруполис мұнай құбырын тарту мен Каспий құбыр консорциумының қуатын арттыруды қатар жүргізуге келісіп, бірлескен іс-шаралардың жоспарына жазды.
Қазақстан Республикасының энергетика және минералды ресурстар министрі Бақтықожа Ізмұхамбетовтың журналистерге түсіндіруінше: "Каспий құбыр консорциумын кеңейту және Бургас - Александруполис мұнай құбырын тарту жобаларының өзара сабақтастығы бірінші жоба аяқталғанда Қара теңізге келетін мұнайды Бургас - Александруполис арқылы одан әрі тасымалдау үшін қажет". "Оған Қазақстан Греция мен Болгарияның 49 пайыз үлесі есебінен қатыса алады",- деп атап көрсетті Қазақстан Республикасының энергетика және минералды ресурстар министрі.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан көмірсутегінің басым бөлігі Ресей аумағы арқылы өткенін қолдайды - Н. Назарбаев (толықтырылған нұсқа)
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.