Қазақстан мен Германия ауылшаруашылығы саласында ынтымақтастық бағдарламасына қол қоюды жоспарлауда
Қазақстан мен Германия ауылшаруашылығы саласында ынтымақтастық бағдарламасына қол қоюды жоспарлауда
Астана. 15 сәуір. "Қазақстан Бүгін" - Қазақстан мен Германия ауылшаруашылығы саласында ынтымақтастық бағдарламасына қол қоюды жоспарлауда. Бұл туралы бүгін Ауыл шаруашылық министрі Ақылбек Күрішбаев пен Германияның Федеративтік азық-түлік, ауыл шаруашылығы және тұтынушылар құқын қорғау министрлігінің парламентік статс-хатшысы Герд Мюллер өзара кездесуде уағдаласты, деп хабарлайды агенттік ҚР Ауылшаруашылығы министрлігінің баспасөз қызметіне сілтеме жасап.
Баспасөз қызметінің ақпаратына сәйкес , Германия жағы заңдық базаны қалыптастыру барысында кеңес беру, азық-түлік қауіпсіздігін саласында, сонымен қатар нақты аграрлық жобаларды жүзеге асыру мақсатында Қазақстан-Германияаралық ынтықмақтастық бағдарламасына қол қоюды ұсынып отыр. Мұндай бағдарламаға Германия бұған дейін Ресеймен ғана қол қойған.
"Бүгін кешке Қазақстан мен Германияның ауыл шаруашылық министрліктерінің арасындағы ынтымақтастық жөнінде бірлескен мәлімдемеге қол қойылады деп жоспарланып отыр", делінген министрліктің хабарламасында.
Кездесуде екі ел арасындағы АӨК саласындағы ынтымақтастықты одан әрі нығайтуға бағытталған шаралар пысықталды.
"Екі ел арасында ауыл шаруашылығы өнімдерінің саудасы жақсы дамып келеді. Исіресе механикаландыру бағытында басымдыққа ие. Өнімді ысырапсыз жинап алуға мүмкіндік беретін комбайндардан бастап, өсімдік зиянкестеріне қарсы қолданылатын дәрі-дәрмектер, асыл тұқымды мал шаруашылығын дамыту және ветеринария саласында да бірлескен көлемді жобалар атқарылып жатыр", деп хабарлайды баспасөз қызметі.
Ауыл шаруашылық министрі Ақылбек Күрішбаев бүгінгі кездесуден кейін екі елдің ауыл шаруашылығы саласындағы бұған дейін бастаған шаралары одан әрі дамып, үлкен нәтижеге жеткізетініне сенім білдірді. Ол еліміздің АӨК саласына қатысты айта келіп, комбайн паркін жаңарту, биоотын, оның ішінде биоэтонол, биодизель жасау, асыл тұқымды мал шаруашылықтарын дамыту мақсатында бірлесіп жұмыс істеуге дайын екенін мәлімдеді.
Өз кезегінде Федеративтік азық-түлік, ауыл шаруашылығы және тұтынушылар құқын қорғау министрлігінің парламентік статс-хатшысы Герд Мюллер екі ел арасындағы ынтымақтастықты үкімет аралық деңгейіндегі талқылап отыруға ұсыныс жасады. ДСҰ-на кіруге ұмтылып отырған Қазақстанның заң талаптарын стандартқа сәйкестендіруге көмек көрсетуге дайын екендерін жеткізді.
Сонымен қатар германиялық делегацияның сапары барысында Ауыл шаруашылығы министрінің басшылығымен еліміздің ауыл шаруашылығы саласын дамытуға арналған "дөңгелек үстел" болды.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.