АСТАНА. 29-наурыз. Kazakhstan Today. Қазақстан мен Польша Қазақстанды Одесса-Броды жобасына біріктіру бойынша сарапшылардың жұмыс тобын құрды. Бұл туралы Польша президенті Лех Качиньский бүгін өткен баспасөз мәслихатында мәлім етті, деп хабарлайды Kazakhstan Today тілшісі.
"Одесса - Броды - Плоцк - Гданьск бағытындағы мұнай құбырына қатысты мәселелер бойынша сарапшылар арасындағы келіссөздер тез арада басталады",- деді Л.Качиньский.
"Қазақстан таза прагматикалық тұрғыдан өзінің энергетикалық қорын шетелдерге шығаратын балама жолдарды көбейтуден мүдделі. 2012-2015-жылдары Қазақстан халықаралық нарыққа мұнай шығаратын алпауыт сатушылардың біріне айналады",- деді Қазақстан президенті Нұрсұлтан Назарбаев өз кезегінде.
"2012-2015-жылдары экспортқа шығарылатын мұнай көлемінің екі есе артатындығы бізді жаңа жолдарды іздеуге итермелейді. Сондықтан да Одесса - Броды - Плоцк - Гданьск бағыты біз үшін жақсы балама",- деді мемлекет басшысы. Сонымен бірге президенттің пікірінше, жобаны жүзеге асыруда бірнеше түйткіл бар. "Бірінші мәселе - Одессадан Бродыға жеткізілетін мұнайдың көлемі. Қажетті көлем егер КТК өзінің өткізгіштік қабілетін 23 млн тоннадан 40 млн тоннаға дейін өсірген жағдайда ғана пайда болады. Қазір біз осы мәселе бойынша Ресеймен келіссөздер жүргізіп жатырмыз",- деді Н.Назарбаев.
"Алдын-ала есеп бойынша, егер біз Одесса - Броды - Гданьск бағытында мұнай айдай бастайтын болсақ, тасымалдау төлемі бір тоннасына 58 долларды құрайды. Бұл қазіргі бағадан 24 доллар артық",- деді президент. "Бұл келіссөздерге арқау мәселе, тұйықтан шығар жол табуға мүмкіндік бар",- деді ол.
"Біз тиісті құрылымдарға келіссөздер жүргізуді тапсырдық",- деді ол. "Бұл келіссөздерге тиісті ресейлік құрылымдарды міндетті түрде шақыру керек. Бұл - саяси емес , экономикалық мәселе",- деді Н.Назарбаев.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан мен Польша Қазақстанды Одесса-Броды жобасына біріктіру бойынша сарапшылардың жұмыс тобын құрды
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.