Қазақстан нарығына итальяндық Cremonini тобыныӊ құрылымына кіретін Inalca Eurasia ірі агроөнеркәсіптік трансұлттық корпорация кіруде.
Осы ретте, қазақстандық "Актеп" компаниясы және Inalca Eurasia трансұлттық корпорация арасында "100 нақты қадам" ұлт жоспары шеӊберіндегі "етті өндіру және қайта өндеуді дамытуға стратегиялық инвесторларды тарту" 61 қадамын жүзеге асыру мақсатныда меморандумға қол қойылды
Астана. 19 қаӊтар. Kazakhstan Today - Осы ретте, қазақстандық "Актеп" компаниясы және Inalca Eurasia трансұлттық корпорация арасында "100 нақты қадам" ұлт жоспары шеӊберіндегі "етті өндіру және қайта өндеуді дамытуға стратегиялық инвесторларды тарту" 61 қадамын жүзеге асыру мақсатныда меморандумға қол қойылды, деп хабарлайды Kazakhstan Today агенттігініӊ тілшісі.
"Inalca Eurasia" еліміздіӊ ет саласына 100 млн. евродан астам инвестиция салуға шешім қабылдады, осы инвестициялар республикамыздыӊ үш облысында жалпы қуаттылығы 44 мыӊ бас малды бір уақытта бордақылайтын бордақылау алаӊдарыныӊ құрылысы үшін сатылас-біріктірілген компанияны құруға бағытталатын болады. Одан басқа, Ақтөбе облысындағы еткомбинатын қуаттылығы 20 мыӊ тонна ет және ет өнімдерін өндіруге арттыра отырып жаӊғырту жоспарланған. "Inalca Eurasia" компаниясы қазақстандық ет брендын қалыптастыруға және Ресей Федерациясы мен Еуропа елдерін ет экспортымен қамтамасыз етуге ниетті.
"Актеп" компаниясы 2015 жылы ай сайын тұрақты түрде 200 тона көлемінде ет экспорттауға шығып отыр. 2016 жылы ет өнімдерін экспорттауды жылына 12 000 тоннаға дейін жеткізу жоспарланып отыр. Қуаттылығы жылына 7200 тона ет өндіретін заманауи етөндейтін зауыт салынды. Осыныӊ барлығы компанияныӊ етті мал шаруашылығындағы өӊіраралық кооперациясыныӊ орталығы болуға мүмкіндік береді.
Үш облыстардыӊ әкімдіктері, министрлік және "Inalca Eurasia" компаниясы аралығында, өӊірлердегі ет экспортыныӊ әлеуетін арттыруға міндеттер мен индикативті көрсеткіштерді анықтайтын етті мал шарушылығы саласында өӊіраралық кооперация құру бойынша бірлескен іс-әрекеттер жоспарына қол қойылды.
Өткен жылдыӊ қараша айында "Евразия агрохолдинг" және "Rifa Holding Group" қытай трансұлттық компаниялары арасында Шығыс-Қазақстан облысыныӊ Аягөз ауданында қуаттылығы 17 мыӊ тонна ет өнімін құрайтын ет комбинатыныӊ құрылысы бойынша бірлескен инвестициялық жобаны жүзеге асыру бойынша меморандумға қол қойылды. Өнім Қытайға экспорттауға бағдарланатын болады.
Қазіргі уақытта ҚР АШМ-ніӊ ветеринариялық бақылау қызметі ҚХР-ныӊ ветеринариялық қызметімен бірге Қазақстаннан Қытайға мал шаруашылығы өнімдерін өткізуге қойылған тыйымдар мен шектеулерді алып тастау, сонымен қатар сиыр және қой еті бойынша қытай нарығына рұқсат алу сұрақтары пысықталуда. Осы мәселеніӊ оӊ шешілуі де ет және ет өнімдерін өткізу нарығын кеӊейтуге мүмкіндік береді.
ҚХР-на ресми сапар кезінде нәтижесінде қазақстан етін Қытайға өткізуге рұқсат берілетін, ағымдағы жылы ет және ет өнімдерін өндіруші кәсіпорындар бойынша бірлескен инспекциялау бойынша келісімге қол жеткізілді.
ҚР АШМ Баспасөз-қызметі
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.