АЛМАТЫ. 11-қыркүйек. Kazakhstan Today. 2006 жылғы 5 қыркүйекте Қазақстан Республикасындағы бірінші ұлттық ауыл шаруашылығы санағының І кезеңі аяқталды, деп хабарлайды Kazakhstan Today тілшісі ҚР статистика жөніндегі агенттігінің баспасөз қызметіне сілтеме жасап.
Агенттік ақпаратына сәйкес, бір айдан аз уақыт ішінде, 10 тамыздан бастап 4 қыркүйек аралығында, сұхбат жүргізушілер жалпы ауданы 81,9 млн. гектар болатын 9 мыңнан астам заңды тұлғаларды, 193 мыңға жуық шаруа (фермер) қожалықтарын, 2 млн. астам үй шаруашылықтарын, 535 мыңнан астам саяжай учаскелерін жазып шықты. Субъектілердің нақты саны алдын ала жасалған тізімнен шаруа (фермер) қожалықтары бойынша 3%-ға, үй шаруашылықтары бойынша 6%-ға, саяжай учаскелері бойынша 3%-ға асып түсті.
Сонымен бірге, санақ барысында сұхбат жүргізушілер участке бойынша тізімде көрсетілмеген үйлердің пайда болуы (бұрын адамдар тұратын үйлер ретінде есепте болған) фактілеріне де кездесті, ал участке қараусыз қалған. Осындай жағдайлар саяжай учаскелері бойынша да кездесті. Нәтижесінде санаққа алуға жататын саяжай учаскелерінің төрттен біріндейі және 0,6% үйлер қараусыз қалған.
Сонымен қатар қараусыз бос қалған учаскенің иесін іздеуге байланысты проблемалар туындап отырды, әсіресе ауылдық жерлерде.
Бірқатар облыстарда азаматтарға "жалған сұхбат жүргізушілердің" келуі оқиғалары, сұхбат жүргізушілердің иттен кіре алмауы, жол-көлік оқиғалары тіркелді. Небәрі осындай, айтарлықтай қауіпті жағдайға ұшыратпаған, 15 оқиға тіркелді.
Енді мемлекеттік статистика органдары толтырылған санақ бланкілерін енгізу және өңдеумен шұғылданады. Бұл жауапты сәтке статистика органдары 2006 жылдың 15 қыркүйегінде кіріседі, ал жұмысты екі айдың ішінде аяқтау керек.
Ауыл шаруашылығы санағының қысқаша алдын ала қорытындыларын Қазақстан Республикасы статистика агенттігі 2007 жылдың І тоқсанында жриялайтын болады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан Республикасындағы бірінші ұлттық ауыл шаруашылығы санағының І кезеңі аяқталды
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.