АЛМАТЫ. 2-мамыр. Kazakhstan Today. Қазақстан Республикасындағы инфляция 2007 жылдың сәуірінде 0,5 пайызды, жыл басынан бері 3,1 пайызды құрады. Бұл туралы Kazakhstan Today тілшісіне ҚР статистика жөніндегі агенттігінен хабарлады.
Қазақстан Республикасының Статистика жөніндегі агенттігінің ақпараттарына сүйенсек, есеп беру кезеңінде азық-түлік тауарлары нарығында өткен айда ет және ет өнімдері бағасының өсімі 1,4 пайызға, жеміс-көкөніс өнімдерінің бағасы - 1,8 пайызға, балық және теңіз өнімдерінің бағасы 1,4 пайызға өсті. Нан мен жарма өнімдерінің бағасы - 0,7 пайызға, сүт өнімдері мен жұмыртқа бағасы 0,1 пайызға өсті. Қант бағасының деңгейі 4,4 пайызға төмендеді.
Азық-түлік емес тауарлар тобында киім және аяқ киімнің бағасы 0,8 пайызға, құрылыс материалдары мен жеке гигиена тауарларынің бағасы 0,6 пайызға өсті. Баспа өнімдерінің бағасы мен үй тұрмысында пайдаланылатын заттар бағасының өсімі - 0,5 пайызды, дыбыс-бейне құралдары - 3 пайызды, дәрі-дәрмек - 0,2 пайызды құрады. Дизель отыны 1,8 пайызға және тас көмір бағасының деңгейі 0,6 пайызға төмендесе, тас көмір мен бензин бағасының деңгейі 0,1 пайызға көтерілді.
Сәуірде денсаулық сақтау мекемелерінің қызметтері - 1,5 пайызға, білім беру - 0,2 пайызға, мәдениет қызметтері 0,6 пайызға қымбаттады. Жолаушылар көлігіндегіол жүру ақысы 0,4 пайызға қымбаттаған. Тұрғын үй-коммуналдық шаруашылық қызметтері бағасының көрсеткіштері 100 пайызды құраған. Қоқыс жинау 1,7 пайыза, газ жабдықтау - 0,6 пайыз қымбаттаса, электр энергиясының бағасы 1,6 пайызға арзандаған. Орталықтан жылыту, сумен жабдықтау және канализациялар бағасы өзгерген жоқ.
Ұлттық банктің мәліметтерінне сүйенсек, үстіміздегі жылдың сәуіріндегі тұтынушы бағасының көрсеткіші 2006 жылдың сәйкес айындағы көрсеткішпен салыстырғанда 7,7 пайызды құраған. Мемлекеттік статистикалық агенттіктің хабарлауынша, 2007 жылдың қаңтар - сәуір айларындағы инфляция өткен жылмен салыстырғанда 8 пайызды құраған.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан Республикасындағы инфляция 2007 жылдың сәуірінде 0,5 пайызды, жыл басынан бері 3,1 пайызды құрады
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.