Қазақстан үкіметі халық санағының қорытындысын шығаруға қосымша 59 млн теңге бөлмек
"Мәселе халық санағының мәліметтерін саралауға, тиімді кестелерді қалыптастыруға және осы нәтижелерді жариялауға қажетті қосымша шығындар туралы болып отыр. Сәйкес қаулы жобасы Қаржы және Иділет министрліктерімен келісіліп, қазіргі таңда үкіметке енгізілген. Жақын арада бұл қаулы шығып қалады деген ойдамыз", - деп хабарлады И. Смаилов.
Астана. 13-шілде. Kazakhstan Today Қазақстан үкіметі 2009 жылы өткізілген халық санағының қорытындысын шығаруға қосымша 59 млн теңге бөледі. Тиісті қаулы жобасы жасалып, үкіметке жолданды. Бұл туралы дүйсенбі күні ҚР Статистика агенттігінде өткен брифингте ведомство басшысы Илихан Смаилов мәлімдеді, деп хабарлайды Kazakhstan Today агенттігі.
"Мәселе халық санағының мәліметтерін саралауға, тиімді кестелерді қалыптастыруға және осы нәтижелерді жариялауға қажетті қосымша шығындар туралы болып отыр. Сәйкес қаулы жобасы Қаржы және Иділет министрліктерімен келісіліп, қазіргі таңда үкіметке енгізілген. Жақын арада бұл қаулы шығып қалады деген ойдамыз", - деп хабарлады И. Смаилов.
"Тиісті қаражат 59 млн теңге бөлінеді. Ол жыл басында болуы керек болған. Алайда, бұрнағы менеджментпен байланысты субъективті себептерге байланысты бұл қаржыландыру биылғы жылдың бюджетіне кірмеді", - деп түсіндірді ол.
Естеріңізге сала кетсек, ҚР Статистика агенттігінің экс-төрайымы Анар Мешимбаеваға Интерполмен іздеу жарияланған. Оны қазіргі уақытқа дейін Қазақстанның құқық қорғау органдары іздестіру үстінде. Тергеу 2009 жылы Ұлттық халық санағын жүргізу барысында бюджет қаражатын жымқыруға оның қатысы бар екенін анықтаған.
Бір апта бұрын Астана қаласы Есіл аудандық сотында судья Ерлан Тасыров ҚР Статистика агенттігі төрайымының бұрынғы орынбасарлары Нұрман Баянов пен Бірлік Меңдібаевқа, сондай-ақ, "Фирма КИІК" ЖШС құрылтайшысы Серік Тұржановқа қатысты үкім шығарылған.
Сот үкіміне сәйкес, С. Тұржановтың мүлкі тәркіленіп, тоғыз жылға бас бостандығынан айырылды, Н. Баянов пен Б. Меңдібаевтың да мүліктері тәркіленіп, алты және бес жылға бас бостандықтарынан айырылды.
Естеріңізге сала кетсек, "ҚР Статистика агенттігі төрайымының бұрынғы орынбасарлары Нұрман Баянов пен Бірлік Меңдібаев, сондай-ақ, "Фирма КИІК" ЖШС құрылтайшысы Серік Тұржанов 2009 жылы ұлттық халық санағы кезінде бюджеттік қаржыны жымқырды деп айыпталған болатын.
ҚР Экономикалық қылмысқа және сыбайлас жемқорлыққа қарсы күрес агенттігінің ресми өкілі Мұрат Жұманбай мәлім еткендей, Қазақстан Республикасының ұлттық халық санағын өткізуге мемлекет 1 млрд 144 млн теңге бөлген. "Қаржы полициясының мәліметінше, Ұлттық халық санағы шын мәнінде 379 млн теңгеге өткізілгені, ал қаражаттың 764 млн 800 мың теңге мөлшеріндегі бөлігі лауазымды тұлғалар мен жеке кәсіпорындардың басшыларымен ысырап етілгені тергеумен анықталып отыр", - деп атап өткен М. Жұманбай.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.