Қазақстанда 2020 жылға қарсы тікұшақ өндіруді оқшаулау жұмысын 30%-ға жеткізу жоспарланған
Қазіргі таңда бірлескен кәсіпорын зауытында көпсалалы ЕС 145 тікұшақтарын қарастыру, оны бояу, медициналық құрал-жабдықтарды орнату, қосылған құрылғылар мен жүйелерді икемдеп, тестілеуден өткізу, сондай-ақ, ұшу сынағы жүзеге асырылады.
Алматы. 13 мамыр. Kazakhstan today. Қазақстанда 2020 жылға қарсы тікұшақ өндіруді оқшаулау жұмысын 30%-ға жеткізу жоспарланған. Бұл туралы "Еврокоптер Қазақстан Инжиниринг" бірлескен кәсіпорын БАҚ өкілдеріне арнап ЕС 145 тікұшақтарын құрастыратын зауытымен танысу баспасөз турында мәлім болды.
Халықаралық "KADEX-2014" қару-жарақ пен әскери - техникалық мүлік көрмесінің қарсаңында "Еврокоптер Қазақстан Инжиниринг" бірлекскен кәсіпорын БАҚ өкілдеріне арнап ЕС 145 тікұшақтарын құрастыратын зауытымен танысу баспасөз турын ұйымдастырды.
"Жинау жұмыстары 2011 жылы жолға қойылды. Осы уақыт аралығында ЕС 145 тікұшақтарының 20 данасы шығарылды. ТЖМ мен Қорғаныс министрлігінің 40 ұшқышы оқудан өтті. Алғашқы ұшқыштар Германиядан білімдерін жетілдіріп қайтты. Қазіргі таңда ҚМ мен ТЖМ ұшқыштары бізде ұшу теорияларын оқуда. Иуемеханиктері Германияда Техникалық академия жанындағы "Еурокоптер" зауытында білімдерін жетілдіруде. Өйткені бізде әлі де болса өзімізде оқыту үшін рұқсат беретін құжаттар толық жиналып біткен жоқ. Осы жылдың соңына қарай аталмыш мәселені шешетін боламыз", - дейді кәсіпкерліктің қауіпсіздік бастығы Мұхамедқали Қазамбаев.
Қазіргі таңда бірлескен кәсіпорын зауытында көпсалалы ЕС 145 тікұшақтарын қарастыру, оны бояу, медициналық құрал-жабдықтарды орнату, қосылған құрылғылар мен жүйелерді икемдеп, тестілеуден өткізу, сондай-ақ, ұшу сынағы жүзеге асырылады.
Баспасөз туры барысында зауыттың механиктері кезең-кезеңмен құрастыру сызбасымен таныстырды, ал бояушылар бояу цезін көрсетіп, техникалық персоналдар тобы ұшақжайлар мен шеберханалардағы жұмыстарымен таныстырды.
"Алдағы уақытта тек ЕС 145 емес, сонымен қатар ЕС 649 тікұшақтарын да шығара бастамақпыз. "Еурокоптер Қазақстан Инжиниринг" ЖШС кәсіпкерлігі біздің Бас қолбасшымыздың бастамасы. Біздегі барлық заманауи құрылғылар шет елден әкелінген. Тікұшақ жағдайына бақылау жасайтын құрылғылар жүйелі қызмет көрсету жұмыстарын жасайды", - дейді ол.
Мамандардың айтуынша, зауытта тікұшақтарды құрастыру жұмысының көлемі ұлғайып келеді. Болашақта кәсіпорын динамикалық жүйелер мен редукторларды құрастырып, радионавигациялы құрыл-жабдықтарды, артқы антенналар, авионика жүйелері мен электр өткізгіштерді орнатуды жоспарлауда. Алдағы 6 жылдың ішінде өнімді оқшаулау жұмысын 30 пайызға жеткізу жоспарланған.
Сонымен қатар, "Еврокоптер Қазақстан Инжиниринг" техниктер мен ұшқыштарды ТМД және Орта Азия аймағында ағылшын және орыс тілдерінде оқыту ісін жүзеге асырады.
Қазақстан мен Орта Азия аймағында ұшу және техникалық құрамды оқыту орталығы ЕС 145 тікұшағында техниктер, авиониктер мен ұшқыштарды орыс тілінде дайындайтын әлемдегі жалғыз орталық болып саналады.
Халықаралық "KADEX-2014" қару -жарақ пен әскери - техникалық мүлік көрмесі қазақстандық тұтынушымен қатар, шетелдік тұтынушыға да өз өнімін таныстыруға мүмкіндік беретіндігін атап өткен жөн. Аталмыш көрме 22-25 мамыр аралығында Астанада өтеді.
тақырып бойынша жаңалықтар
Ұлттық Банк мамыр айында Ұлттық қордан 850 млн долларға дейін сатуды жоспарлап отыр
Сәуір айының қорытындысы бойынша, теңге бағамы 1,1%-ға, яғни 1 АҚШ доллары үшін 442,05 теңгеге дейін нығайды. Қазақстан қор биржасында сауда-саттықтың орташа күндік көлемі бір айда 225 млн АҚШ долларынан 234 млн АҚШ долларына дейін ұлғайды. Сауда-саттықтың жалпы көлемі 5,1 млрд АҚШ долларын құрады, деп хабарлайды ҚР ҰБ баспасөз қызметінен.
Ұлттық қордан республикалық бюджетке трансферттерді қамтамасыз ету үшін сәуірде 1 056 млн АҚШ долларына валюта сатылды. Ұлттық қордан сату үлесі жалпы сауда-саттық көлемінің 21%-ын және күніне 48 млн АҚШ долларынан аспайтын мөлшерді құрады. Ұлттық Банк Ұлттық қордың қаражатымен операциялар жүргізу кезінде нарықтағы бейтарап қағидатын сақтайды. Бұл шетел валютасын біркелкі қалыпта сатуды білдіреді. Мұндай тәжірибе Ұлттық қордағы операциялардың валюта нарығына әсерін барынша азайтуға мүмкіндік береді.
Ұлттық Банк сәуірде БЖЗҚ зейнетақы активтерінің валюталық үлесін 30% деңгейінде ұстап тұру мақсатында биржадағы сауда-саттықта шетел валютасын сатып алуды жалғастырды. Оның жалпы сомасы 500 млн АҚШ долларын немесе нарықтың жалпы көлемінің шамамен 10%-ын құрады.
Ұлттық Банк сәуірде валюталық интервенциялар жүргізген жоқ.
Республикалық бюджетке трансферттер бөлуге Үкіметтің алдын ала болжамды өтінімдері бойынша 2024 жылғы мамырда Ұлттық Банк Ұлттық қордан 750 млн АҚШ долларынан 850 млн АҚШ долларына дейінгі мөлшерде валюта сатылуын күтеді.
2024 жылғы мамырда БЖЗҚ зейнетақы активтерінің валюталық үлесін ұстап тұру үшін 450 млн АҚШ долларынан 500 млн АҚШ долларына дейінгі мөлшерде валюта сатып алу көзделген.
Ұлттық Банк ашықтық қағидаты аясында валюта нарығында жүргізілетін барлық операция туралы ақпаратты толық ашып көрсетеді. Қысқамерзімді перспективада теңгенің динамикасы нарыққа қатысушылардың күтулеріне, тоқсандық салық төлемдеріне, әлемдік нарықтардағы ахуалға және геосаяси жағдайдың өзгеруіне байланысты болады. Ұлттық Банк теңгерімсіздіктің жинақталуын болдырмайтын және алтын-валюта резервтерінің сақталуын қамтамасыз ететін икемді бағам белгілеу режимін ұстана береді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Сингапур Қазақстан экономикасына 1,4 млрд астам инвестиция салды
Сурет: akorda
Президент Қасым-Жомарт Тоқаев Ақордада Сингапур Парламентінің спикері Сеа Киань Пен бастаған делегацияны қабылдады, деп хабарлайды Ақорданың баспасөз қызметінен.
Қазақстан мен Сингапур арасындағы тығыз қарым-қатынасты одан әрі кеңейтуді көздейтін кездесу достық рәуіште әрі нәтижелі өтті.
Біз - уақыт сынынан өткен сенімді серіктеспіз. Өзара байланыстарды нығайту үшін ауқымды жұмыс жүргізілді. Дегенмен алдымызға екі елдің ынтымақтастығын одан әрі дамытуға бағытталған биік мақсат қойып отырмыз", - деді Президент.
Қасым-Жомарт Тоқаевтың пікірінше, халықаралық ынтымақтастықты арттыруда және мемлекеттер арасындағы диалогқа ықпал етуде парламенттік дипломатия аса маңызды рөл атқарады.
Президент бүгінде Қазақстанда 140-тан астам сингапурлық компания мен бірлескен кәсіпорын жұмыс істейтінін, олардың ел экономикасына құйған инвестициясының жалпы көлемі 1,4 миллиард доллардан асқанын атап өтті.
Өз кезегінде Сеа Киань Пен қонақжайлық танытқан Қасым-Жомарт Тоқаевқа ризашылығын білдіріп, екі елдің ынтымақтастығын тереңдету үшін мол әлеует бар екенін айтты.
Кездесуде экономикалық және инвестициялық ықпалдастық перспективаларына баса назар аударылды. Сонымен қатар өңірлік және халықаралық күн тәртібіндегі мәселелер талқыланды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.