Қазақстанда Инвесторларға қызмет көрсету жөніндегі өңірлік орталықтар құрылуда
Бұл туралы "KAZNEX INVEST" экспорт және инвестициялар жөніндегі ұлттық агенттігінің басқарма төрағасының орынбасары Қайрат Қарманов pm.kz сайтына берген сұхбатында мәлім етті.
Астана. 23-шілде. Kazakhstan Today - 2012 жылдың соңына дейін Қазақстанның барлық өңірінде Инвесторларға қызмет көрсетуші өңірлік орталықтар құрылады, деп хабарлайды Kazakhstan Today агенттігінің тілшісі.
Бұл туралы "KAZNEX INVEST" экспорт және инвестициялар жөніндегі ұлттық агенттігінің басқарма төрағасының орынбасары Қайрат Қарманов pm.kz сайтына берген сұхбатында мәлім етті.
"Инвесторларға қызмет көрсету орталықтары сияқты ведомстволар алғаш рет құрылуда. Ол мекемелер әкімдіктердің жандарынан ашылуда және олардың міндеті - өңірлерде инвесторлармен жұмыс істеу. Ағымдағы жылдың соңына дейін барлық өңірде осындай орталықтар құрылады", - деді Қайрат Қарманов өз сөзінде.
Бұл орталықтар Қазақстан аумағында индустриялық жобаларды іске асыруға мүдделі инвесторларға ғана қызмет көрсетіп қана қоймай, әлеуетті әріптестерге де консультациялық көмек көрсететін болады.
Айта кету керек, мұндай мекемелерді ашу еліміздің инвестициялық ахуалын жақсарту және инвесторларға жайлы жағдай жасау жөніндегі тәжірибелік қадамдардың бірі болып табылады.
Оған қоса, еліміздің инвестициялық беделін жақсарту бағытында ақпараттық кеңістікте белсенді жұмыс жүргізілуде. Атап айтқанда, танымал режиссер Тимур Бекмамбетов түсірген Қазақстанның инвестициялық мүмкіндіктері туралы бейнебаян жалпы көрермендер қауымы 300 млн. асатын CNN, BBC және Bloomberg сияқты әлемдік телеарналарда прайм-тайм уақытта 600 рет көрсетілді. Осының арқасында www.invest.gov.kz сайтының оқырмандар саны 2 есеге ұлғайды.
Қазақстан Республикасына шетелдік инвестициялар тарту жөніндегі ұлттық жоспардың аясында осындай және басқа да шаралар іске асырылуда.
"Ұлттық жоспар бірнеше тараудан тұрады. Соның бірі - инвесторлар үшін заңнаманы жетілдіру және қосымша ынталандыру шараларын қабылдау. Жоспармен сондай-ақ, шетелдік инвесторларға визалық жеңілдіктер жасау, тіпті кейбір басымдықты елдермен арадағы визалық режимді алып тастау арқылы инвестициялық ахуалды жақсарту шаралары қарастырылған",- дейді Қ.Қарманов.
"Шетелдік инвесторларды тарту Қазақстан үшін өте маңызды мәселе, себебі тек қаржы ғана емес, сонымен бірге жаңа технологиялар тарту және ҮИИД бағдарламасын іске асыру үшін құзырлықты дамыту қарастырылып отыр. Бұл біз үшін ең амңызды міндет", - деп түйіндеді өз сөзін ол.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.