Қазақстанда субсидияланатын авиабағыттарға конкурс өткізудің ережелері белгіленді
"Министрлік субсидиялы бағыттарға конкурс өткізудің және жолаушыларды, жолжүгін, жүкті және пошталық жөнелтулерді тасымалдау бойынша қызмет көрсетулер үшін субсидиялы авиабағыттарға куәліктер берудің жаңа ережелері белгіленді", - делінген ведомство мәлімдемесінде.
Астана. 15-ақпан. Kazakhstan Today - Азаматтық авиация саласындағы қазіргі заңнамаға енгізілген өзгертулерге байланысты субсидияланатын бағыттарға конкурс өткізудің жаңа ережелері нақтыланды, деп хабарлайды Kazakhstan Today агенттігінің тілшісі.
Бұл туралы ҚР Көлік және коммуникация министрлігінің баспасөз қызметінен хабарлады.
"Министрлік субсидиялы бағыттарға конкурс өткізудің және жолаушыларды, жолжүгін, жүкті және пошталық жөнелтулерді тасымалдау бойынша қызмет көрсетулер үшін субсидиялы авиабағыттарға куәліктер берудің жаңа ережелері белгіленді", - делінген ведомство мәлімдемесінде.
Сонымен қатар, өңірлік бағыттар бойынша авиахабарламаларды сақтау үшін мемлекеттік бюджеттен жыл сайын авиабағыттар субсидияланады, авиакомпания үшін коммерциялық пайдасы болмаса да, олар халық арасында сұранысқа ие.
Жаңа ережелерге сәйкес конкурсқа пайдаланушы сертификаты бар және қауіпсіздіктің барлық талаптарына сәйкес келетін Қазақстанда тіркелген авиакомпаниялар қатыса алады. Сонымен қатар, тұрақты ішкі коммерциялық әуе тасымалдауларына рұқсаты болуы тиіс.
Оған қоса, авиакомпанияның салықтар және басқа да бюджетке міндетті төлемдер бойынша қарызы болмауы керек.
"Авиакомпанияларда болжанған табыс есебінсіз бір ай көлемінде белгіленген кесте бойынша тұрақты әуе тасымалын қамтамасыз етуге қажетті қаражаттардың төмендетілмейтін резервтің болуы басты критерий болып табылады", - деп айтылған ведомствода.
Жалпы алғанда конкурс жылына 1 рет өткізіледі және оның нәтижелері бойынша әлеуметтік маңызды бағыттар бойынша жолаушыларды, жолжүктері мен жүктерді тасымалдауды жүзеге асыратын авиатасымалдаушылар анықталады.
Бүгінгі таңда тұрақты ұшулар ішкі 46 авиабағыт арқылы жүзеге асырылады, олардың ішінде 8 авиабағыт республикалық бюджеттен субсидияланады. Субсидияланатын бағыттарға Астанадан Семейге, Жезқазғанға, Петропавлға, Павлодарға; Алматыдан Көкшетауға, Петропавлға, сонымен қатар Қарағандыдан Қызылорда мен Өскеменге бағытталған ішкі авиарейстер жатады.
Ағымдағы жылдың II тоқсанында субсидияланатын бағыттардың тізіміне Алматыдан Үржарға және Көкшетаудан Өскеменге бағытталған рейстерді қосу жоспарлануда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.