Қазақстанда жыл басынан бері шағын және орта бизнес кәсіпорындарының шығарған өнімдерінің көлемі 1,5 еседен астам азайды
Қазақстанда жыл басынан бері шағын және орта бизнес кәсіпорындарының шығарған өнімдерінің көлемі 1,5 еседен астам азайды
Астана. 2 маусым. "Қазақстан Бүгін" - Қазақстанда жыл басынан бері шағын және орта бизнес кәсіпорындарының шығарған өнімдерінің көлемі 1,5 еседен астам азайды. Бұл туралы бүгін үкіметте өткен селекторлық жиында еліміздің индустрия және сауда министрі Владимир Школьник құлағдар етті, деп хабарлайды агенттік тілшісі.
"Осы жылдың бірінші тоқсанында шағын және орта бизнес кәсіпорындарының шығарған өнімдерінің көлемі 1,5 еседен астам азайды", -деп атап өткен министр бұл көлемнің 689 млрд теңгеден 437 млрд теңгеге дейін азайғанын нақтылады.
Оның айтуынша, өнім шығару көлемінің азаюына әсер еткен бір себеп - коммерциялық банктер тарапынан несиелендіру көлемінің қысқаруы болмақ. "Несиелендіру көлемінің азаюына сәйкес өнім шығару көлемі де соншалықты азайды деуге болады. Бұл әрине, белгілі бір шамада, ол түрлі салалар бойынша 1-3 кварталды құрайды", - деді В. Школьник.
Атап айтсақ, министрдің айтуынша, Шығыс Қазақстан, Қарағанды, Павлодар облыстарында құлдырау 35-40%, Маңғыстау, Қызылорда облыстарында - 20-30%, Атырау, Ақтөбе, Ақмола, Қостанай облыстарында 50%, Оңтүстік Қазақстан, Солтүстік Қазақстан, Жамбыл және Алматы облыстарында 70 - 80% құраған.
"Ирине, бұл жерде маусымдық факторды да ескеру керек. Яғни, бірінші тоқсанда өткен жылғы төртінші тоқсанмен салыстырғанда өнім шығару көлемі ұдайы азаяды", - деді В. Школьник. "Біз осы маусымдық факторды да талдадық, ол өткен жылдары 20-30% ғана құраған, ешқашан 70-80% дейін төмендеу болмаған", -деді ол.
"Біз бұл ағымды өзгертпесек, ол әріқарай да солай жалғаса береді. Бұл еліміздің әлеуметтік-экономикалық дамуы үшін үлкен салқынын тигізбек, өйткені, еліміздің Жалпы ішкі өнімаіндегі шағын және орта бизнестің алып отырған көлемін ескеру керек", - деді В. Школьник.
"Осыған байланысты барлық өңірлік әкімдіктер бизнес қауымдастықтардың қолдауымен мүдделі мемлекеттік органдармен бірлесіп әрбір өңірдегі шағын және орта кәсіпкерліктің іс-қызметіндегі құлдырау себептеріне мұқият талдау жүргізу орынды деп санаймын. Шағын және орта бизнесті қолдаудың кезек күттірмес шараларын дәйектеп, бюджеттерді қайта қарап, бизнес құрылымдарды несиелендіру көлемін ұлғайту қажет", - деді индустрия және сауда министрі.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.