Қазақстандық мердігерлер Қашаған жобасына қатысқылары келеді - Қазақстанның мұнай-газ саласының мердігерлері қауымдастығының төрағасы
Қазақстандық мердігерлер Қашаған жобасына қатысқылары келеді - Қазақстанның мұнай-газ саласының мердігерлері қауымдастығының төрағасы
Алматы. 5-қазан. "Қазақстан Бүгін" - Қазақстандық мердігерлер Қашаған жобасының инвестициясын игеруге қатысқылары келеді. Бұл туралы Қазақстанның мұнай-газ саласының мердігерлері қауымдастығы кеңесінің төрағасы Қайрат Илмұхамедов мәлімдеді, деп хабарлайды "Қазақстан Бүгін" агенттігінің тілшісі.
"Бізге инвестицияны (Қашаған жобасы бойынша - "Қазақстан Бүгін" агенттігінің ескертпесі) игеруге мүмкіншілік бермей отыр. Отандық мердігерлерді салықтық кемсіту мәселесі бар. Шетелдік мердігерлерді қаржылық артық көру, яғни, жобалау мен тендерді Қазақстан аумағынан тыс жерде өткізу мәселесі бар. Қазақстандық компаниялардың үлесі барған сайын азайып барады. Бұл үкіметке қойылар сауал", - деді Қайрат Илмұхамедов бейсенбі күні Алматыда өткен баспасөз мәслихатының барасында.
Оның айтуынша, "Қашаған жобасында отандық компаниялардың қаржыны игерудегі үлесі 10 пайыздан аспайды". "Біздің қол жетер ең оңтайлы табысымыз инвестицияны игеруде 40 пайыздық қатысу", - деп атап өтті Қазақстанның мұнай-газ саласының мердігерлері қауымдастығы кеңесінің төрағасы. Бұл үшін осы мәселе бойынша мемлекет рационалды, тиімді саясат жүргізуі қажет екендігін де айта кетті.
"Қашағанды игеру бойынша қол қойылған келісім шарттың мазмұнының өзі жобаны жүзеге асыруда, әсіресе, инвестицияны игеру кезеңінде Қазақстанның білікті мамандарының болуын талап етеді", - деді Қ. Илмұхамедов. Ол, сондай-ақ, "оператор елде қандай әрекетке рұқсат, сондай қарекет қылмақ", - деді.
Каспий теңізінің солтүстігіндегі Қашаған кен орны "Шығыс-1" ұңғымасымен 2000 жылдың жазында ашылған. Бұл геологиялық мұнай қоры 4,8 млрд тонна көлеміндегі әлемде соңғы 30 жылда ашылған ең ірі кен орындарының бірі. Жобаны Agip КСО консорциумы жүзеге асыруда. Оның құрамына ENI (жобаның жалғыз операторы), Total, ExxonMobil, Royal Dutch Shell-дің әрқайсылары 18,52 пайыз қатысу үлесіне ие. ConocoPhillips - 9,26%, Inpex - 8,33%. Қазақстандық "ҚазМұнайГаз" ұлттық компаниясы 8,33 % үлеске ие.
Қазақстанның мұнай-газ саласының мердігерлерінің қауымдастығы 2001 жылдың маусым айында экономиканың мұнай-газ саласындағы инвестицияны тиімді игеру үшін отандық құрылыс индустриясын дамыту мақсатында құрылған болатын. Оның құрылтайшылары - "Монтажспецстрой" мен "Алматықұрылыс". Мүшелері - еліміздің жүзден аса құрылыс және өндіріс компаниялары.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.