Қазақстанға Ресей қазынашылығының өкілдері ресми сапармен келді
Қазақстан қазынашылығының құрылғанына 20 жыл толуына орай Қазақстанға Ресей қазынашылығы өкілдерінің ресми сапары жоспарланған, деп хабарлайды Kazakhstan today ҚР Қаржы министрлігінің баспасөз қызметіне сілтеме жасап.
Алматы. 27 қаңтар. Kazakhstan today. Қазақстан қазынашылығының құрылғанына 20 жыл толуына орай Қазақстанға Ресей қазынашылығы өкілдерінің ресми сапары жоспарланған, деп хабарлайды Kazakhstan today ҚР Қаржы министрлігінің баспасөз қызметіне сілтеме жасап.
Бұл сапар Ресей Федералдық қазынашылығы мен Қазақстан Республикасы Қаржы министрлігі Қазынашылық комитетінің арасындағы халықаралық байланыстар және тәжірибе алмасуға бағытталды. Бұл кездесу 2013 жылғы 24 сәуірде Киев қаласында қол қойылған техникалық әріптестік туралы Меморандум аясында жүзеге асты.
Ресей қазынашылығының делегациясын Ресей Федералдық қазынашылығының басшысы Роман Артюхин бастап келді.
Кездесу және Қазақстан қазынашылығының жобаларын презентациялау барысында Қазақстан мен Ресей қазынашылығы қазынашылық операцияларында ақпараттық технологияларды қолдану, аумақтық бөлімшелер қызметін дистанциялық бақылаудың артықшылықтары мен жетістіктері, мемлекеттік мекемелерде есепке жатқызу әдісі бойынша бухгалтерлік есептеуді және қаржылық есептілік құруды енгізу мәселелерін талқылады.
ҚР ҚМ Қазынашылық комитетінің төрағасы Р.Бекетаев қазынашылықтың даму жолының басында кездескен ең күрделі мәселе - ол 1996 жылы маусым айындағы Ұлттық банкте Қазынашылық бірлестігі шотын ашу болып табылады. Оған мемлекеттік және жергілікті бюджеттің ақша қаржылары шоғырландырылды. Қазынашылық БҚШ (Біріккен қазынашылық шоты) арқылы төлеу механизімін, бағдарламалық қамтамасыз ету мүмкіндіктері жасады. Сондықтан да, күн сайын бюджеттің жағдайы: кірістер, шығындар, республикалық және облыстық қаржы құрылымындағы қалдықтар бақыланып отырады деп атап көрсетті.
Бүгінгі күні мемлекеттік мекемелерге "Қазынашылық - Клиент" ақпараттық жүйесі толықтай енгізілді. Бұл жүйе арқылы қазынашылықтың аумақтық бөлімшелерінде онлайн-режимде 13 мыңнан артық мемлекеттік мекемелерге қызмет көрсетіледі.
Қазынашылық жүйесінде 13 мыңнан астам мемлекеттік мекемелерге қызмет көрсетіледі, 5 мыңнан астам шоттар ашылды, Қазынашылық жүйесінің 3,5 мыңға жуық пайдаланушылар бар. 2013 жылдың шілдесінен бастап қазынашылық органдарында жергілікті өзін-өзі басқару мекемелерінің шоттары ашылып, қызмет көрсетіле бастады. 2014 жылы ҚР ҚМ Қазынашылық комитеті жергілікті бюджет мекемелерінің шоғырландырылған қаржылық есептілігін қалыптастыруды жоспарлап отыр. Роман Артюхин қазақстандық әріптестерінің қызметіне: "Қазақстан қазынашылығы - барлық деңгейде де мемлекеттік қаржы-қаражатты тиімді басқаруға арналған, бюджеттік рәсімдерді атқаруға қатаң бақылау жасайтын ақпараттық негіз болып табылатын дамушы қаржы институты",- деп оң баға берді.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.