Қазатомөнеркәсіп пен ТВЭЛ уран байыту бойынша бірлескен жобаның шешуші құжаттарына қол қойды
"Қазатомөнеркәсіп" ҰАК" АҚ мен "ТВЭЛ" ААҚ арасындағы акционерлік және опциондық бұл келісім "УБО" ЖАҚ акционерлерінің құқықтарын іске асыруды, акцияларды меншіктен шығару шарттары мен "УБО" ЖАҚ басқару тәртібін реттейді және тараптардың жобаның қорытындылаушы кезеңіне өтуіне мүмкіндік береді.
Мәскеу. 23-қараша. Kazakhstan Today - Бүгін Мәскеуде "Қазатомөнеркәсіп" Ұлттық атом компаниясының Басқарма төрағасы Владимир Школьник пен Росатомның "ТВЭЛ" отын компаниясының Президенті Юрий Оленин Уран байыту орталығы (УБО) жобасының балама нұсқасын іске асыру үшін қажет болған шешуші заңдық күші бар құжаттарға қол қойды, деп хабарлайды Kazakhstan Today агенттігінің тілшісі.
"Қазатомөнеркәсіп" ҰАК" АҚ мен "ТВЭЛ" ААҚ арасындағы акционерлік және опциондық бұл келісім "УБО" ЖАҚ акционерлерінің құқықтарын іске асыруды, акцияларды меншіктен шығару шарттары мен "УБО" ЖАҚ басқару тәртібін реттейді және тараптардың жобаның қорытындылаушы кезеңіне өтуіне мүмкіндік береді.
Келесі кезеңде "УБО" ЖАҚ "УЭХК" ААҚ акциялар пакетін (25%+1 акция) сатып алады, одан кейін бірлескен кәсіпорын үшін жылына 5 млн. ЕРР-ға дейінгі көлемдегі уран байыту қызметіне кіруге жол ашылады. Тараптар УБО жобасының балама нұсқасын іске асыру аясында өнім жеткізіп беруді 2013 жылдың екінші жартыжылдығында бастауды жоспарлап отыр.
Ұлттық компанияның баспасөз қызметінің хабарлауынша, тараптардың УБО жобасын іске асыру туралы келісіміне 2006 жылы 7-ші желтоқсанда қабылданған Атом энергиясын бейбіт пайдалану саласындағы Ресей-Қазақстан ынтымақтастығының кешенді бағдарламасы негіз болып отыр. Онда Қазақстан аумағында 6 мың тонна уран өндіретін бірлескен кәсіпорын және Ресей аумағында оны өңдеуге 5 млн. ЕРР қуатына ие уран байытатын бірлескен кәсіпорын құру көзделген болатын. Бұған дейін 2010 жылы 5 шілдеде "Қазатомөнеркәсіп" ҰАК" АҚ және "Росатом" мемлекеттік корпорациясы УБО" ЖАҚ бірлескен кәсіпорнының "Уральск электрохимия комбинаты" ААҚ-ның жарғылық капиталына қатысуын қарастыратын балама нұсқасы бойынша УБО Жобасын іске асыру туралы Бірлескен мәлімдемеге қол қойған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.