АСТАНА. 31-мамыр. Kazakhstan Today. "Қазына" тұрақты даму қоры мемлекет пен жеке меншіктің әріптестігінің институционалдық инфрақұрылымын қалыптастыруда. Бұл туралы бүгін "Мемлекет пен жеке меншіктің әріптестігі экономиканы дамыту факторы" атты конференцияда "Қазына" тұрақты даму қоры басқармаларының төрағасы Қайрат Келімбетов мәлім етті, деп хабарлайды Kazakhstan Today тілшісі.
"Қазір ""Қазына" тұрақты даму қорының құрамына кіретін Маркетингтік-талдамалық зерттеулер орталығы" АҚ Илемдік банкпен және Еуропалық қайта құру және даму институтымен бірлесіп мемлекет пен жеке меншіктің әріптестігінің институционалдық инфрақұрылымын қалыптастыру, соның ішінде PPP-Unit ұйымын құру жұмыстарын жүргізуде",- деді Қ.Келімбетов.
"PPP-Unit - мемлекет пен жеке меншік саланың әріптестігінің жұмыс істеуіне қатысты шараларды жүзеге асыруға, соның ішінде концессиялық жобаларды жүзеге асыруға дайындық, оларды ілгерілету және мониторинг жүргізу жұмыстарын жүзеге асыруға тиіс оперативтік орган",- деді "Қазынаның" төрағасы.
Заңнаманы жетілдіру және нормативтік және әдістемелік базаның жобасын жасау жұмыстарының нәтижесінде "заңнамадағы кемшіліктер жойылып, жобаларды ұсыну мен ілгерілету процедуралары мен процестерін стандартқа сәйкестендіру көзделуде".
"Біз сонымен қатар бизнеске мемлекет қолға алған концессиялық жобаларды жүзеге асыруға белсенді қолдау көрсетуді жоспарлап отырмыз. Даму институттарында тиісті тәжірибе мен ресурстар бар",- деді Қ.Келімбетов.
"Жалпы алғанда мемлекет пен жеке меншік саланың әріптестігіне Қазақстанда заңнамалық, институционалдық және инфрақұрылымдық негізге ие болды. Сол себепті оны экономиканы дамыту және шикізаттан басқа саладағы инвестициялық белсенділікті арттыру мақсаттарында тиімді пайдалану керек",- деді ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
"Қазына" мемлекет пен жеке меншіктің әріптестігінің институционалдық инфрақұрылымын қалыптастыруда
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.