Кентау қаласында жалпы көлемі 25 га жер телімі индустриялық аймақ құруға берілген
Кентау. 23 қыркүйек. Kazakhstan Today - Кентау қаласында жалпы көлемі 25 га жер телімі индустриялық аймақ құруға берілген. Бұл туралы Кентау қаласыныӊ әлеуметтік-экономикалық дамуы, мемлекеттік бағдарламалардыӊ орындалуы және ағымдағы жыл жетістіктері бойынша жолдаған ақпаратында Кентау қаласы әкімініӊ орынбасары Рашид Мыӊбаев баяндады, деп хабарлайды Kazakhstan Today.
Икімніӊ орынбасары жолдаған ақпаратқа сәйкес, индустриялық аймаққа 1 419,0 млн теӊгеге инфрақұрылым жүйелері жүргізіліп, 1 943,5 млн.теӊгелік құны бар 4 жобаны жүзеге асыру арқылы 145 жұмыс орнын құру жоспарлануда.
"Индустриялық аймақтыӊ 4,85 гектарына 4 жоба орналастырылған болса, 4,3 гектар жер телімі инфрақұрылым жүйесіне бөлініп берілген, қалған жер көлемі 15,85 гектарды құрап отыр",- дейді Р.Мыӊбаев.
Оныӊ айтуынша, сонымен қатар индустриялық аймаққа қызығушылық танытып, алдағы уақытта орналасуға ниет білдерген 3 кәсіпкермен жұмыстар атқарылуда.
Жалпы 1,4 га жер теліміне 232 млн.теӊге көлемінде инвестиция тарту көзделуде.
"Шағын және орта бизнес - Кентау қаласыныӊ экономикасын дамытуға үлесін қосып отырған саланыӊ бірі. Қала бойынша іс-әрекеттегі ШОБ субьектілерініӊ саны, статистикалық деректерге сәйкес, 2016 жылдыӊ 7 айында 2927 бірлікті құраса, 2015 жылдыӊ осы кезеӊінде 3318 бірлік болып, 88,0% құрап отыр",- дейді Р.Мыӊбаев.
"Жұмыс істейтін ШОБ субьектілерініӊ кемуі ҚР Қаржы министрлігініӊ Мемлекеттік кірістер комитетініӊ жеке кәсіпкерлер базасы мәліметініӊ жандандырылуынан және шаруа қожалықтарыныӊ жер телімдерініӊ заӊға сәйкес мемлекет меншігіне қайтарылуы мен 32 шаруа қожалығы өрағаларыныӊ қайтыс болуы себепті кірістер басқармасыныӊ жұмыс істеп тұрған есебінен шығарылып, 2015 жылдыӊ тиісті кезеӊімен салыстырғанда айырманыӊ туындауына негіз болып отыр",- деп түсіндірді қала әкімініӊ орынбасары.
Жұмыспен қамтылған адам саны 4154-ті құрап, 102 пайызға, өнім көлемі (жұмыстар, қызметтер) 11817,8 млн. теӊгені құрап, 114 пайызға артты.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.