Қытай Қазақстаннан 100 мың тонна бидай сатып алмақ
Бұдан бөлек, екі ел арасында бидай саудасы көлемін арттыру мақсатында, сонымен қатар үшінші елдерге транзитті сауданы жүзеге асыру үшін екі жақ ауыстырып тиеу үшін бидай терминалының құрылысын бірлесе қаржыландыру сұрағын қарастыруға ықыласын білдірді.
Алматы. 23 мамыр. Kazakhstan today. Қазақстан Республикасы мен Қытай Халық Репсубликасы арасында ынтымақстастық және бидай саудасы бойынша шектелмелі келісім жасалды, деп "ҚазАгро" ҰХ" хабарлады.
Қазақстандық бидайдың көрші елге экспорттық жеткізілімдерін нығайтуды көздеген құжат екі елдің атынан "ҚазАгро" Ұлттық басқарушы холдингі" АҚ Басқарма төрағасы Дулат Айтжанов пен "Корпорация КОФКО Лимитед" Қытай Ұлттық компаниясының вице-президенті Цзинтао Чжи қолдарымен бекітілді.
Сауда саласында ынтымақтастықты нығайту бойынша қытайлық әріптестермен келіссөздерді "ҚазАгро" Ұлттық холдингі ағымдағы жылдың басынан жүргізуде, келіссөздер қорытындысы Қазақстан Президенті Нұрсұлтан Назарбаевтың 19-20 мамыр аралығында ҚХР-на барған мемлекеттік сапары аясында Келісімге қол қою болып табылады.
Екі жақты мәмілеге сәйкес, "ҚазАгро" Холдингінің Қытай Халық Республикасына экспортты арттыру бойынша жоспарлары туралы хабардар КОФКО Корпорациясы, 2014/2015 жылдары аралығында нарықтық әділ бағамен "ҚазАгро" Холдингі тарапынан 100 мың тонна қазақстандық азық-түлік бидайын импорттауды көздеп отыр.
Бұдан бөлек, екі ел арасында бидай саудасы көлемін арттыру мақсатында, сонымен қатар үшінші елдерге транзитті сауданы жүзеге асыру үшін екі жақ ауыстырып тиеу үшін бидай терминалының құрылысын бірлесе қаржыландыру сұрағын қарастыруға ықыласын білдірді.
Келісімнің бір тармағына сәйкес қытай нарығында қазақстандық астыққа сұраныстың негізінде КОФКО Корпорациясы мен "ҚазАгро" Холдингі Қазақстан мен ҚХР арасында нарықтық экономиканың барлық қағидаларын сақтаумен сауданы жүзеге асыру шартында астық сауда көлемдерін арттыру бойынша барынша атсалысуға ниетті.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.