Қызылорда облысы Қармақшы ауданында "Бастау Бизнес" жобасы бойынша жалпы құны 78,7 млн. теӊгені құрайтын 29 жоба қаржыландырылды
-Қармақшы ауданында Кәсіпкерлер палатасыныӊ филиалымен жаӊа бағдарлама бойынша 107 азамат оқытылды. Қазіргі таӊда, осы азаматтардыӊ ішінде жалпы құны 78,7 млн. теӊгені құрайтын 29 жобасы қаржыландырылды. Ауыл азаматтарыныӊ басым бөлігі несиені мал шаруашылығына алуда,- дейді облыстық кәсіпкерлер палатасыныӊ Қармақшы ауданындағы филиал директоры Абзал Шоқпаров.
Қызылорда. 20 қыркүйек. Kazakhstan Today - Халықты жұмыспен қамту, өӊірлерде кәсіпкерлікті дамытуды қамтамасыз ету үшін нақты іс-шараларды жүзеге асыру аясында "Атамекен" ҰКП ел Үкіметі қолдауымен "Бастау Бизнес" жобасын сәтті жүргізіп келеді. Аталмыш жоба аясында Қызылорда облыстық Қармақшы ауданы кәсіпкерлері жаӊа кәсіп иелерімен толықты.
-Қармақшы ауданында Кәсіпкерлер палатасыныӊ филиалымен жаӊа бағдарлама бойынша 107 азамат оқытылды. Қазіргі таӊда, осы азаматтардыӊ ішінде жалпы құны 78,7 млн. теӊгені құрайтын 29 жобасы қаржыландырылды. Ауыл азаматтарыныӊ басым бөлігі несиені мал шаруашылығына алуда,- дейді облыстық кәсіпкерлер палатасыныӊ Қармақшы ауданындағы филиал директоры Абзал Шоқпаров.
Қызылорда облыстық кәсіпкерлеп палатасы баспасөз қызметініӊ хабарлауынша, "Бастау Бизнес" жобасы кәсіпкерлікті ауылда дамытуға бағытталған. Сондай-ақ, ауыл халқыныӊ жұмыспен қамтылу деӊгейін бизнес-бастамалар мен халықты кәсіпкерлік негіздеріне жан-жақты үйрету арқылы көтеруді мақсат тұтады.
Ауданныӊ жас тұрғыны Қайырбек Ибен осы жоба аясында білім алып, бизнес жоспарын жасап, 3,5 млн.теӊге несие алды. Алынған қаражатқа Қайырбек өзініӊ бизнес жоспарына сәйкес "Маржан" жарнама агенттігін ашып, оған қажетті құрал-жабдықтар алды. Жас кәсіпкер бүгінде жұмысын бастап та кетті. Шағын екі бөлмені жалдап, тапсырыстар қабылдауда.
-"Бастау Бизнес" жобасы маған өз мақсатыма жетуге мүмкіндік беріп отыр. Жоба аясында бір ай біліктілігімді жетілдірдім. Бизнес-жоспарымды құрып, оны комиссия алдында қорғап, бүгінде қармақшылықтарға қызмет көрсетудемін, - дейді жас кәсіпкер Қайырбек Ибен.
Ашылғанына екі-ақ апта болған жарнама орталығы алғашқы тапсырыстарын қабылдап та үлгерді. Полигафиялық қызметтіӊ бірнеше түрін орындайтын орталыққа келген тапсырыс берушілер өз ризашылықтарын білдіруде.
"Бастау Бизнес" жобасы аясында кәсібін бастаған жас кәсіпкердіӊ алдағы жоспары да ауқымды. Ол келешекте офисін кеӊейтіп, қызмет түрлерін ұлғайтуды ойластыруда.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.