Қызылорда облысында жоғары технологиялық "Қараөзек" газ компрессорлық станциясы пайдалануға берілді
Еӊ маӊыздысы, "Қараөзек" станциясыныӊ құрылысы елордамыз Астана қаласын және солтүстік өӊірлерді алдағы газдандыруды есепке ала отырып жоспарланған. Болашақта елорданы газдандыру жұмыстары қасиетті Сыр елініӊ жерінен бастау алады. Елбасыныӊ қолдауымен басталған ірі стратегиялық маӊызы бар - "Бейнеу-Бозой-Шымкент" магистралды газ құбыры Сыр еліне зор мүмкіндік берді.
Қызылорда. 4 шілде. Kazakhstan Today - Қызылорда облысында жоғары технологиялық "Қараөзек" газ компрессорлық станциясы пайдалануға берілді. "Қараөзек" компрессорлық станциясы болашақта Астана қаласын және еліміздіӊ солтүстік өӊірлерін газдандыруға мүмкіндік береді,-деп атап өтті кеше Қызылорда облысыныӊ әкімі Қырымбек Көшербаев жаӊа станцияныӊ салтанатты ашылу рәсімінде.
-Еӊ маӊыздысы, "Қараөзек" станциясыныӊ құрылысы елордамыз Астана қаласын және солтүстік өӊірлерді алдағы газдандыруды есепке ала отырып жоспарланған. Болашақта елорданы газдандыру жұмыстары қасиетті Сыр елініӊ жерінен бастау алады. Елбасыныӊ қолдауымен басталған ірі стратегиялық маӊызы бар - "Бейнеу-Бозой-Шымкент" магистралды газ құбыры Сыр еліне зор мүмкіндік берді. Облыс аумағынан өтетін 846 шақырымдық газ құбыры Қызылорда облысын газдандыруға жол ашты. Бұл Мемлекет басшысыныӊ бізге жасаған тікелей қамқорлығы. Аталмыш станцияныӊ іске қосылуы газ саласы қызметкерлерініӊ Астана күніне жасаған сыйы, - деді облыс әкімі Қ.Көшербаев жаӊа компрессорлық стацияны іске қосу салтанатында сөйлеген сөзінде.
Жаӊа станцияныӊ мүмкіндігі "Бейнеу-Бозой-Шымкент" магистралдық газ құбырыныӊ өткізгіштік қабілетін 10 млрд.текше метрге дейін ұлғайтуға мүмкіндік береді. Газ құбырыныӊ жалпы ұзындығы - 1534 шақырым, оныӊ 180 шақырымы Қызылорда облысы аумағынан өтеді. Жобаныӊ 1-ші кезеӊінде Астана қаласы, Қарағанды облысы және Ақмола облысыныӊ оӊтүстік аудандары газдандырылмақ.
Атап өту керек, Қызылорда облысы әкімдігі мен "ҚазТрансГаз Аймақ" Акционерлік қоғамы арасында жасалған меморандумға сәйкес 4 ауданныӊ орталығы (Арал, Ийтеке би, Шиелі, Жаӊақорған) және Байқоӊыр қаласына автоматтандырылған газ тарату станциялары мен ішкі газ құбырларыныӊ құрылыстары жүргізілді. Бұған жалпы сомасы 23 млрд. теӊге қаржы бөлінді.
Естеріӊізге сала кетейік, бүгін Қызылорда облысында жоғары технологиялық "Қараөзек" газ компрессорлық станциясы пайдалануға енгізілді.Салтанатты шараға Қызылорда облысыныӊ әкімі Қырымбек Көшербаев, "ҚазМұнайГаз" ҰК АҚ вице-президенті Қайрат Шәріпбаев қатысты.
"Қараөзек" компрессорлық станциясы "Бейнеу-Бозой-Шымкент" магистральдық газ құбырынан 944 шақырымда орналасқан, осы жылғы сәуірде Ақтөбе облысында пайдалануға енгізілген "Бозой" станциясынан қосарлы жұмысқа есептелген.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.