Қызылорда облыстық кәсіпкерлер палатасы "Қызылорда - бизнеске қолайлы қала" атты бастаманы жүзеге асыруды ұсынды
Қызылорда облысы кәсіпкерлер палатасыныӊ директоры Ғалымбек Жақсылықов қала әкімдігінде өткен шағын және орта бизнесті дамыту мәселелеріне арналған мәжілісте облыс орталығын бизнеске қолайлы шаһарға айналдыру бағытында бірлесе атқарылып жатқан шаралар жайлы айтты.
Қызылорда. 7 сәуір. Kazakhstan Today - Қызылорда облысы кәсіпкерлер палатасыныӊ директоры Ғалымбек Жақсылықов қала әкімдігінде өткен шағын және орта бизнесті дамыту мәселелеріне арналған мәжілісте облыс орталығын бизнеске қолайлы шаһарға айналдыру бағытында бірлесе атқарылып жатқан шаралар жайлы айтты.
-Бүгінде Кәсіпкерлер палатасы мен жергілікті атқарушы органдар кәсіпкерлердіӊ мәселелерін шешу бағытында әріптестік негізде тиісті шаралар қабылдау арқылы бизнес өкілдерініӊ өзекті мәселелерін жедел шешуде. Оған жақында ғана шешілген қаладағы дүӊгіршектер мәселесін айтуға болады,-деді ол.
Қазір облыста "Нәтижелі жұмыспен қамту - 2017-2021" бағдарламасы аясында "Бастау" бизнес жобасы басталды. Жобаға қатысуға тілек білдірген аудан азаматтары 1 сәуірден бастап тестілеуден өткізілуде. Бүгінгі күнге дейін 5 ауданда өткен тестілеуге 229 адам қатысты. Қызылорда қаласы әзірге бұл жобаға енбеуіне байланысты кәсіпкерлік палатасы қалаға қарасты ауылдық округ тұрғындарына қолдаудыӊ өзге де түрлерін қарастырып жатыр.
Мәселен, қазір Кәсіпкерлер палатасы "Даму", "ҚазАгро" мамандарымен бірге қалаға қарасты ауылдық округ тұрғындарына арналған "Кеӊес беру күні" акциясын жүргізуде. Акция барысында жұмыссыз және аз қамтылған отбасы жастарын кәсіпкерлікке тарту мақсатында кеӊес, ақпарат беру жұмыстары жүргізілуде. Бүгінгі күнге дейін шара 7 ауылдық округте өткізілді. Айта кету керек, бұл акцияны тоқсанына бір рет өткізу жоспарланып отыр.
-Кәсіпкерлер палатасымен бизнес өкілдерінен түсетін шағымдарға талдау жасау барысында арыздардыӊ 30 пайыздан астамы жер қатынастары саласына қатысты екендігі анықталды. Осы жерде мынадай ұсыныс айтқым келеді. "Қызылорда - бизнеске қолайлы қала" деген бастаманы жүзеге асыруды ұсынамын. Жалпы кәсіпкерлердіӊ мәселесін шешуде неғұрлым жеӊіл жолын қарастыру қажет. Бұл ретте, Палата жан-жақты қолдау көрсетуге әзір. Мәселен, Қызылорда облысыныӊ кәсіпкерлер палатасы облыс тұрғындары үшін "Бизнес-мектеп" компоненті бойынша оқу жүргізеді. Аталмыш компоненттіӊ ішінде екі күндік ақысыз "Бизнес-кеӊесші" жобасы бойынша біліктілікті жетілдіруге болады, -деді палата басшысы.
"Бизнес-кеӊесші" жобасы - әрекет етуші және кәсіпті жаӊадан бастаған кәсіпкерлерге сонымен қатар кәсіпкерлік бастамасы бар тұрғындарға қысқа мерзімді кәсіпкерлікті жүргізу негіздерін оқытатын жоба.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.