ҚМГ БӨ 2010 жылы 234,5 млрд теңге көлемінде таза пайда тапқан
ҚМГ БӨ 2010 жылы 234,5 млрд теңге көлемінде таза пайда тапқан, деп хабарлайды Kazakhstan Today агенттігінің тілшісі.
Алматы. 3 - наурыз. Kazakhstan Today - ҚМГ БӨ 2010 жылы 234,5 млрд теңге көлемінде таза пайда тапқан, деп хабарлайды Kazakhstan Today агенттігінің тілшісі.
РИА Новости агенттігінің хабарлауынша, "ҚазМұнайГаз" Барлау Өндіру" АҚ-ның таза пайдасы 234,5 млрд. теңгені (1 591 млн. АҚШ долларын) және бір акцияға шаққандағы пайда 3 232 теңге (бір ЖДҚ үшін 3,7 АҚШ долларын) құраған. Бұл көрсеткіш 2009 жылдың сәйкес кезеңінде алынған 209,7 млрд. теңгемен (1 422 млн. АҚШ долларымен) және 2 871 теңгемен (бір ЖДҚ үшін 3,2 АҚШ долларымен) салыстырғанда 12 пайызға артық.
Бір акцияға шаққандағы пайда 3 232 теңгені (бір ЖДҚ үшін 3,7 АҚШ долларын) құрады, бұл көрсеткіш 2009 жылдың сәйкес кезеңінде 209,7 млрд теңгені құраған.
2009 жылы алынған бағамдық айырмашылықтан түскен ауқымды кірісті есептемегенде, 2010 жылы таза пайданың өсімі 72 %-ды құрады.
2010 жылы Brent маркалы мұнайдың орташа бағасы 2009 жылмен салыстырғанда барреліне 61,7 АҚШ долларынан 79,2 АҚШ долларына дейін өсіп, 28%-ға жоғары болды.
Операциялық пайда негізінен мұнай бағасының қымбаттауына байланысты 2009 жылдың осындай кезеңінде алынған 154,9 млрд. теңгемен (1 050 млн. АҚШ долларымен) салыстырғанда, 21 %-ға артып, 186,7 млрд. теңге (1 267 млн. АҚШ долларын) құрады.
2010 жылы ҚМГ БӨ түсімі 2009 жылмен салыстырғанда 25 %-ға артты және 609,2 млрд. теңге (4 135 млн. АҚШ доллары) құрады. Бұл арту орташа мұнай сату бағасының 30 %-ға - тоннасына 53 082 теңгеден (барреліне 49,78 АҚШ долларынан) 69 101 теңгеге (барреліне 64,86 АҚШ доллары) дейін қымбаттауына байланысты болды және сату көлемінің 3 %-ға төмендеуімен ішінара өтелді.
Операциялық шығындар 2009 жылдағы 330,6 млрд. теңгемен (2 241 млн. АҚШ доллары) салыстырғанда, 2010 жылы 422,5 млрд. теңгені (2 867 млн. АҚШ доллары) құрады (өсім 28%). Операциялық шығындардың артуына мұнай бағасының қымбаттауы нәтижесінде ренталық салық пен пайдалы қазбаларды өндіру салығын (ПҚӨС) төлеу шығындарының артуы, сондай-ақ 2010 жылдың 16 тамызында енгізілген экспорттық кедендік баж салығының шығындары себеп болды.
Салықтар мен экспорттық кедендік баж салығын есептемегенде, операциялық шығындар есепті кезеңде 2009 жылдың сәйкес кезеңімен салыстырғанда 15 %-ға артты. Бұл негізінен жалақы төлеу, жөндеу, қызмет көрсету және тасымалдау, ескіру, амортизация және басқа да шығындардың артуы есебінен болды.
2010 жылы операциялық қызметтен түскен ақша ағымдары 115,7 млрд. теңге (785 млн. АҚШ доллары) құрады, бұл 2009 жылдағыдан 22 %-ға аз. Бұл азаю 2009 жылы орын алған және 2010 жылы қайталанбаған теңгенің құнсыздануы нәтижесінде бағамдық айырмашылықтан түскен (ішінара операциялық қызметтен түскен ақша ағымдары ретінде танылған) айтарлықтай кіріске байланысты болды.
Күрделі салымдар (ақша қаражаттарының қозғалысы туралы есепке сәйкес, материалдық емес активтерді сатып алу шығындарын есептемегенде) 2010 жылы 86,7 млрд. теңге (588 млн. АҚШ доллары) құрады, бұл 2009 жылғы күрделі салымдардан 2 есеге көп. Күрделі салымдардың артуы, негізінен, эксплутациялық бұрғылау көлемінің 2009 жылы 95 ұңғымадан 2010 жылы 215 ұңғымаға дейін және іздеу-барлау бұрғылау жұмыстарының 2009 жылы 4 ұңғымадан 2010 жылы 8 ұңғымаға дейін артуына байланысты болды.
2010 жылдың 31 желтоқсанындағы займдар сомасы 2009 жылдың 31 желтоқсанындағы жағдай бойынша 137,7 млрд. теңгемен (928 млн. АҚШ доллары) салыстырғанда, 122,5 млрд. теңгені (831 млн. АҚШ доллары) құрады. Займдар сомасы ПҚИ-дегі 33 % үлесін сатып алу нәтижесінде ҚМГ ПҚИ Қаржы Б.В. компаниясы өз мойнына алған ҚМГ БӨ активтеріне регресс құқығынсыз тартылған 114,3 млрд. теңге (776 млн. АҚШ доллары) сомасындағы ҚМГ ПҚИ Қаржы Б.В. компаниясының қарызын қамтиды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Ұлттық Банк мамыр айында Ұлттық қордан 850 млн долларға дейін сатуды жоспарлап отыр
Сәуір айының қорытындысы бойынша, теңге бағамы 1,1%-ға, яғни 1 АҚШ доллары үшін 442,05 теңгеге дейін нығайды. Қазақстан қор биржасында сауда-саттықтың орташа күндік көлемі бір айда 225 млн АҚШ долларынан 234 млн АҚШ долларына дейін ұлғайды. Сауда-саттықтың жалпы көлемі 5,1 млрд АҚШ долларын құрады, деп хабарлайды ҚР ҰБ баспасөз қызметінен.
Ұлттық қордан республикалық бюджетке трансферттерді қамтамасыз ету үшін сәуірде 1 056 млн АҚШ долларына валюта сатылды. Ұлттық қордан сату үлесі жалпы сауда-саттық көлемінің 21%-ын және күніне 48 млн АҚШ долларынан аспайтын мөлшерді құрады. Ұлттық Банк Ұлттық қордың қаражатымен операциялар жүргізу кезінде нарықтағы бейтарап қағидатын сақтайды. Бұл шетел валютасын біркелкі қалыпта сатуды білдіреді. Мұндай тәжірибе Ұлттық қордағы операциялардың валюта нарығына әсерін барынша азайтуға мүмкіндік береді.
Ұлттық Банк сәуірде БЖЗҚ зейнетақы активтерінің валюталық үлесін 30% деңгейінде ұстап тұру мақсатында биржадағы сауда-саттықта шетел валютасын сатып алуды жалғастырды. Оның жалпы сомасы 500 млн АҚШ долларын немесе нарықтың жалпы көлемінің шамамен 10%-ын құрады.
Ұлттық Банк сәуірде валюталық интервенциялар жүргізген жоқ.
Республикалық бюджетке трансферттер бөлуге Үкіметтің алдын ала болжамды өтінімдері бойынша 2024 жылғы мамырда Ұлттық Банк Ұлттық қордан 750 млн АҚШ долларынан 850 млн АҚШ долларына дейінгі мөлшерде валюта сатылуын күтеді.
2024 жылғы мамырда БЖЗҚ зейнетақы активтерінің валюталық үлесін ұстап тұру үшін 450 млн АҚШ долларынан 500 млн АҚШ долларына дейінгі мөлшерде валюта сатып алу көзделген.
Ұлттық Банк ашықтық қағидаты аясында валюта нарығында жүргізілетін барлық операция туралы ақпаратты толық ашып көрсетеді. Қысқамерзімді перспективада теңгенің динамикасы нарыққа қатысушылардың күтулеріне, тоқсандық салық төлемдеріне, әлемдік нарықтардағы ахуалға және геосаяси жағдайдың өзгеруіне байланысты болады. Ұлттық Банк теңгерімсіздіктің жинақталуын болдырмайтын және алтын-валюта резервтерінің сақталуын қамтамасыз ететін икемді бағам белгілеу режимін ұстана береді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Сингапур Қазақстан экономикасына 1,4 млрд астам инвестиция салды
Сурет: akorda
Президент Қасым-Жомарт Тоқаев Ақордада Сингапур Парламентінің спикері Сеа Киань Пен бастаған делегацияны қабылдады, деп хабарлайды Ақорданың баспасөз қызметінен.
Қазақстан мен Сингапур арасындағы тығыз қарым-қатынасты одан әрі кеңейтуді көздейтін кездесу достық рәуіште әрі нәтижелі өтті.
Біз - уақыт сынынан өткен сенімді серіктеспіз. Өзара байланыстарды нығайту үшін ауқымды жұмыс жүргізілді. Дегенмен алдымызға екі елдің ынтымақтастығын одан әрі дамытуға бағытталған биік мақсат қойып отырмыз", - деді Президент.
Қасым-Жомарт Тоқаевтың пікірінше, халықаралық ынтымақтастықты арттыруда және мемлекеттер арасындағы диалогқа ықпал етуде парламенттік дипломатия аса маңызды рөл атқарады.
Президент бүгінде Қазақстанда 140-тан астам сингапурлық компания мен бірлескен кәсіпорын жұмыс істейтінін, олардың ел экономикасына құйған инвестициясының жалпы көлемі 1,4 миллиард доллардан асқанын атап өтті.
Өз кезегінде Сеа Киань Пен қонақжайлық танытқан Қасым-Жомарт Тоқаевқа ризашылығын білдіріп, екі елдің ынтымақтастығын тереңдету үшін мол әлеует бар екенін айтты.
Кездесуде экономикалық және инвестициялық ықпалдастық перспективаларына баса назар аударылды. Сонымен қатар өңірлік және халықаралық күн тәртібіндегі мәселелер талқыланды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.