ҚР Ұлттық банкі екі естелік монеталар шығарды
Бүгін ҚР Ұлттық банкі 500 теңгелік "Есік көсемі" және 50 теңгелік "Өскемен" ескерткіш монеталары айналымға шығатыны туралы хабарлама таратқан.
Алматы. 23-қыркүйек. Kazakhstan Today - ҚР Ұлттық банкі екі естелік монеталар шығарды, деп хабарлайды Kazakhstan Today.
ҚазАқпарат агенттігінің хабарлауынша, бүгін ҚР Ұлттық банкі 500 теңгелік "Есік көсемі" және 50 теңгелік "Өскемен" ескерткіш монеталары айналымға шығатыны туралы хабарлама таратқан.
"Рroof" сапасымен шықан "Есік көсемі" күміс монетасы "Республика игілігі" монеталар сериясын ашып отыр. Ал нейзильбер қоспасынан жасалған "Өскемен" ескерткіш монетасы "Қазақстанның қалалары" монеталар сериясымен шығарылып отыр.
Бетіне алтын жалату технологиясын қолдана отырып дайындалған "Есік көсемі" өзге монеталардан сегіз қырлы нысанымен ерекшеленеді. Монетаның бет жағындағы орталық бөлігінде монетаның номиналын білдіретін "500 ТЕҢГЕ" деген жазу мен бас киімнің элементі - тау ешкісінің мүйізі бар қос пырақтың суреті және ҚР Ұлттық банкінің эмблемасы бейнеленген. Айналдыра мемлекеттік және ағылшын тілінде тілдерінде "ҚАЗАҚСТАН ҰЛТТЫҚ БАНКІ" деген жазулар бар. Монетаны айналдыра жалпақ жиек жүргізілген, онда сегіз қырының бұрыштарында ұлттық ою-өрнектің элементтері орналастырылған. Жоғары бөлігінде - Қазақстан теңге сарайының тауар белгісі. Қырларының төменгі бөлігінде монета дайындалған металды және оның сынамын білдіретін "Ag 925" деген жазу, соғылған жылын білдіретін "2011" деген сан және монетаның массасын білдіретін "31,1gr." деген жазу орналасқан. Сырт жағындың орталық бөлігінде "Алтын Адамның" алтындатылған макеті және айналдыра мемлекеттік және ағылшын тілдерінде "ЕСІК КӨСЕМІ" деген жазу бар. Монетаны айналдыра аверстегі сияқты жалпақ жиек жүргізілген, онда сегіз қырының бұрыштарында ұлттық ою-өрнектің элементтері орналастырылған, ал қырларында барыс бейнесінде тоғалар бейнеленген. Бет жағындағы және сырт жағындағы бейнелер және жазбалар бедерленген. Қыры (гурты) тегіс, бедерленбеген және жазбалар жоқ. Монета 925 сынамды күмістен жасалған, массасы 31,1 грамм, сипатталған шеңбердің диаметрі - 38,61 мм, дайындау сапасы - "proоf", таралымы - 5 мың дана.
"Өскемен" ескерткіш монетасы - "Қазақстанның қалалары" монеталар сериясындағы екінші монета. Оның бет жағының (аверсінде) орталық бөлігінде монетаның номиналын білдіретін "50 ТЕҢГЕ" деген жазу орналасқан. Жоғарғы бөлігінде ою-өрнекті сегіз бұрышты розетка, төменгі бөлігінде - ұлттық ою-өрнек элементі. Номиналдың оң жағында "ҚҰБ" аббревиатурасы орналасқан. Сырт жағының (реверсінде) орталық бөлігінде Өскемен қаласының таңбасы бейнеленген. Айналдыра мемлекеттік тілде "ҚАЗАҚСТАН РЕСПУБЛИКАСЫ" деген жазу, монетаның соғылған жылын білдіретін "2011" деген сан бейнеленген. Монеталардың екі жағын айналдыра шығыңқы жиек жүргізілген. Бет жағында және сырт жағында суреттер және жазулар бедерленген. Қыры (гурты) бедерлі. Монеталар ақ түсті "нейзильбер" қоспасынан жасалған, диаметрі - 23 мм, массасы - 4,71 грамм, таралымы - 50 мың дана.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.