ҚР-да "БЖК-2020" бойынша 3200 келісім шарт қаржыланды - С. Жұманғарин
Қазақстанда "Бизнестің жол картасы-2020" бағдарламасы бойынша 3200 келісім шарт қабылданды. Бұл туралы ОКҚ-нің баспасөз отырысында Өңірлік даму вице-министрі Серік Жұманғарин хабарлады.
Алматы. 20 ақпан. Kazakhstan today. Қазақстанда "Бизнестің жол картасы-2020" бағдарламасы бойынша 3200 келісім шарт қабылданды. Бұл туралы ОКҚ-нің баспасөз отырысында Өңірлік даму вице-министрі Серік Жұманғарин хабарлады.
"Мемлекет басшысы тапсырмасының негізгі бағыттарының бірі ретінде ӨДМ-ге кәсіпкерлікті жетілдіру - әкімшілік және рұқсат ету үдерістерін дамыту тапсырмасы жүктелді. Қазіргі таңда БЖК-2020 бойынша шағын және орта кәсіпкерлікті бастаған кәсіпкерлерді қамтуды мақсатқа қойып отыр. Бүгінгі таңда бағдарлама бойынша 678 млрд теңгенің 3275 келісімшартты қаржыландырды", - деді С. Жұманғарин.
Оның айтуынша, төленген субсидия көлемі 56 млрд теңгені құрады.
"Барлық 27 моноқалада Кәсіпкерлікті қолдау орталықтары 2 жыл қатарынан кәсіпкерлер мен экономикалық белсенді халыққа өз консультацияларын беріп келеді. Онда 12,5 мыңдай адамға 18 мыңнан астам консультация берілді. Кәсіпкерлікті қолдау орталықтары барлық аудан орталықтарында ашылатын болады. Яғни, Қазақстанның 160 ауданының бәрінде. Сөйтіп, экономикалық белсенді халықтың мүмкіндігін арттыру үшін бірыңғай инфрақұрылым құрылады", - деп түйіндеді ойын вице-министр.
Осындай мақсатта бірыңғай бизнес-инфрақұрылым құрылады. Ол халықты экономикалық белсенділікке қатысуын арттырып, бизнесті ашу ақпараты бойынша мемлекеттік қолдауға ие бола алады.
"Бизнес -кеңесші" бағдарламасынан бөлек, "Бизнес-өсім" жобасы іске қосылады. Ир облыста Жас кәсіпкерлердің мектебі жұмыс істейтін болады.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.