Нанныӊ және ұнныӊ бағасын тұрақтандыру үшін Азық-түлік келісім шарт корпорациясы 700 мыӊ тоннадан астам бидайды алдын ала қарастырды
Астана. 19 ақпан. Kazakhstan Today - Нанныӊ және ұнныӊ бағасын тұрақтандыру мақсатында 2015 жылғы қаӊтардан бастап "Азық-түлік келісім шарт корпорациясы" ұлттық компаниясы" АҚ (Азық-түлік келісім шарт корпорациясы) өӊірлерге 18 мыӊ тоннадан астам азық-түліктік бидайды жөнелтті, деп хабарлайды Kazakhstan Today агенттігініӊ тілшісі.
Жалпы алғанда ҚР Ауыл шаруашылығы министрлігі, Азық-түлік келісім шарт корпорациясы және облыстардыӊ, Алматы және Астана қалаларыныӊ әкімдіктері арасында жасалған 1 сұрыпты бидай ұнынан дайындалған қалыпты нанға және 1 сұрыпты ұнға облыстарда бағаны тұрақтандыру туралы меморандумдар бойынша өӊірлерге 738 мыӊ тонна астық жөнелту қарастырылды. Бағдарламаны іске асыру мерзімі 2015 жылдыӊ қаӊтарынан бастап қыркүйегіне дейін. Үстіміздегі жылдыӊ 1 тоқсанында сатылатын бидайдыӊ бағасы - тоннасына 43 000 теӊге, одан әрі астықты қайта өӊдеушілердіӊ шығындарын әкімдіктер субсидиялайтын болады.
Сонымен қатар құс, мал, шошқа шаруашылықтарын жеммен қамтамасыз ету үшін Азық-түлік келісім шарт корпорациясы, "Қазақстан ет одағы" ЖКжЗТБ, "Қазақстан шошқа өсіруші шаруашылықтары одағы", "Қазақстан құс өсірушілер одағы" ЗЖТО арасында жемдік астық жеткізу жөніндегі меморандумға қол қойылды.
Аталған бағдарламаны іске асыру кезеӊі 2015 жылдыӊ ақпанынан бастап мамырына дейн белгіленді.
Шаруашылықтардыӊ астыққа қажеттілігініӊ ай сайынғы кестесіне сәйкес жемдік астық жеткізілімініӊ жалпы көлемі төмендегідей белгіленді:
- асыл тұқымды ірі қара малды көбейту бойынша бордақылау алаӊдары мен шаруашылық-репродукторлары- 16,2 мыӊ тонна;
- шошқа өсіретін шаруашылықтар - 44 мыӊ тонна;
- құс өсіретін шаруашылықтар - 215,6 мыӊ тонна.
Асыл тұқымды ірі қара малды көбейту бойынша бордақылау алаӊдары мен шаруашылық-репродукторлары, шошқа өсіретін шаруашылықтар үшін тоннасы 32 500 теӊгеден 5 топтағы бидай мен 2 топтағы арпа, ал құс өсіретін шаруашылықтар үшін тоннасы 37 500 теӊгеден 4 топтағы бидай жөнелтілетін болады.
"Азық-түлік келісім шарт корпорациясы" ұлттық компаниясы" АҚ-ныӊ негізгі қызметі мемлекеттік астық ресурстары мен одан қайта өӊделген өнімдерді сатып алу, қалыптастыру, есепке алу, сақтауды ұйымдастыру, жаӊарту, орнын ауыстыру, сатуды қамтамасыз ету, сондай-ақ Қазақстанныӊ Үкіметі белгілеген басқа да қызметтер болып табылады. Компанияныӊ жалғыз акционері "ҚазАгро" ұлттық басқарушы холдингі" АҚ болып табылады.
"Азық-түлік келісім шарт корпорациясы" ҰК" АҚ
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.