Оӊтүстік Қазақстан облысында "Ырыс" ұйымы қаржыландырған 25 үздік жоба анықталмақ
Шымкент. 12 қазан. Kazakhstan Today - ҚР Тәуелсіздігініӊ 25 жылдық мерейтойына орай, "Ырыс" микроқаржы ұйымы өзі арқылы қолдау тапқан кәсіпкерлер ішінен еӊ үздіктерін анықтай бастады, деп хабарлайды ОҚО әкімініӊ баспасөз қызметі.
"Үздік жоба" аталымы - "Ырыс" қаржы ұйымынан алған несиені мақсатты пайдаланған, ай сайынғы төлемін уақытылы қайтарып отырған және облысoыӊ кәсіпкерлік саласын дамытуға үлес қосып, жаӊа жұмыс орындарыныӊ ашылуына септігін тигізіп отырған 25 кәсіпкерге табысталады.
Бұл шара 16 желтоқсанға дейін жалғасады.
Айта кетейік, жыл басынан бері "Ырыс" МҚҰ арқылы 3 266,9 млн. теӊгеге 1499 жоба қаржыландырылды. Оныӊ ішінде, көктемгі егін егу және жинау жұмыстарына құны 1 387,9 млн. теӊгені құрайтын 834 жоба жүзеге асырылса, мал бордақылау алаӊдарын салу үшін 1 427,1 млн. теӊгеге 541 жоба қаржыландырылды. Сондай-ақ, шағын тауарлы сүт фермаларын ашу мақсатында құны 79,1 млн. теӊгеге 33 жоба іске қосылып, басқа да қызмет түрлеріне кіретін жобаларға құны 372,7 млн. теӊгені құрайтын 91 жоба қаржыландырылды.
Бұдан бұрын да хабарланғандай, кәсіпкерлік саласын қаржыландыру мақсатында 2009 жылы құрылған микроқаржы ұйымы мал бордақылау ісін де несиелендіреді. Осы уақытқа дейін 8 100 жобаға дем берген. Осындай қарқынды жұмыстыӊ нәтижесінде соӊғы алты жылда "Ырыс" арқылы 75 мыӊ бас мал бордақыланып, 63 мыӊ тоннаға жуық ет өнімі шығарылды.
2015 жылы "Ырыс" ұйымы 7,3 млрд. теӊге несие таратқан. 2016 жылдыӊ осы уақытына дейін бұл көрсеткіш 7,8 млрд. теӊгеден асып отыр. Қаржыныӊ 80% мал шаруашылығына бағытталған. Биылдыӊ өзінде мал бордақылау алаӊдарын салу үшін 570 млн. теӊгеге 222 жоба іске асты. Жұмыспен қамту бағдарламасы арқылы әр азамат 3 миллион теӊгеге дейін несие алды.
Хилола Назарметова, "ЫРЫС" МҚҰ" ЖШС-ніӊ директорыныӊ айтуынша, биыл Аграрлық несие корпорациясы арқылы 3,4 млрд теӊге күтілуде. Жұмыспен қамтудыӊ 2-кезеӊі бойынша несиеніӊ сомасы 6-млн-ға дейін жетеді.
Күні бүгінге дейін "Ырыс" қаржы ұйымы арқылы 1,3 млрд. теӊгеге 768 жоба қаржыландырылды. Орта есеппен 25 мыӊ гектар жерге мақта, жүгері, бақша, тағы да басқа дақылдар егілді.
Несие беру көлемі жыл санап артып келеді. Ордабасы ауданы бойынша 77 шаруа қожалығы 88 миллион теӊге қаржы алған. Келер жылы берілетін несие көлемін 150 млн. теӊгеге дейін ұлғайту көзделіп отыр.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.