"Өзенмұнайгаз" және "Ембімұнайгаз" АҚ-ның мұнай экспорттау көлемі 3 млн тоннаны құрады
"Өзенмұнайгаз" АҚ (ӨМГ) 2 627 мың тонна (тәулігіне 107 мың баррель) өндірді, бұл 2013 жылдың осындай кезеңімен салыстырғанда 88 мың тонна (тәулігіне 3,6 мың баррель) немесе 3%-ға артық. "Ембімұнайгаз" АҚ (ЕМГ) 1 391 мың тонна (тәулігіне 57 мың баррель) өндірді, бұл 2013 жылдың осындай кезеңімен шамалас.
Алматы. 25 шілде. Kazakhstan today. 2014 жылдың алғашқы жарты жылдығында "Қазгермұнай" БК" ЖШС (ҚГМ), "CCEL" (CCEL) және "ПетроҚазақстан Инк." (ПҚИ) компанияларындағы үлесті есептегенде, шоғырландырылған өндіру 6 106 мың тоннаны (тәулігіне 250 мың баррель) құрады, бұл 2013 жылдың осындай кезеңіндегіден 0,2%-ға артық, - деп Мұнай және газ министрлігінен хабарлады.
Компания "Өзенмұнайгаз" АҚ (ӨМГ) және "Ембімұнайгаз" АҚ-да (ЕМГ) 2014 жылдың өндірістік жоспарын 8 170 мың тонна (тәулігіне 165 мың баррель) деңгейінде болжап отыр.
ҚМГ БӨ "Қазгермұнай" БК" ЖШС (ҚГМ), "CCEL" (CCEL), "ПетроҚазақстан Инк." (ПҚИ) компанияларындағы үлестерді есепке алғанда, 2014 жылдың алғашқы алты айында 6 106 мың тонна (тәулігіне 250 мың баррель) мұнай өндірді, бұл 2013 жылдың осындай кезеңіндегіден 0,2%-ға артық.
"Өзенмұнайгаз" АҚ (ӨМГ) 2 627 мың тонна (тәулігіне 107 мың баррель) өндірді, бұл 2013 жылдың осындай кезеңімен салыстырғанда 88 мың тонна (тәулігіне 3,6 мың баррель) немесе 3%-ға артық. "Ембімұнайгаз" АҚ (ЕМГ) 1 391 мың тонна (тәулігіне 57 мың баррель) өндірді, бұл 2013 жылдың осындай кезеңімен шамалас. Нәтижесінде ӨМГ және ЕМГ жалпы өндіру көлемі 4 018 мың тоннаны құрады (тәулігіне 163 мың баррель), бұл 2013 жылдың осындай кезеңімен салыстырғанда 2%-ға артық.
2014 жылдың шілде айындағы жағдай бойынша тәуліктік өндіру көлемі Компания жоспарына толықтай сәйкес келеді. ҚМГ БӨ 2014 жылға 8 170 мың тонна деңгейінде қабылданған жоспарды ұстанып келеді, оның 5 350 мың тоннасы ӨМГ және 2 820 мың тоннасы ЕМГ үлесінде болмақ.
2014 жылдың алғашқы алты айында ӨМГ және ЕМГ мұнайын сатудың экспорттық көлемі 2 938 мың тоннаны (тәулігіне 117 мың баррель) құрады, ал ішкі нарыққа жеткізілімдер 1 010 мың тоннаны (тәулігіне 40 мың баррель) құрады. Компанияның болжамы бойынша, 2014 жылы ӨМГ мен ЕМГ ішкі нарыққа жөнелтетін мұнай көлемі 1,9 млн. тоннаны құрамақ.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.