ПАВЛОДАР. 13-қараша. Kazakhstan Today. Павлодарда "Сәтпаев атындағы канал" РМК жұмысшыларының жалақы берешегін өтеу туралы талабы жартылай ғана қанағаттандырылды; қарызға байланысты жұмысшылар кәсіпорынды тастап кетіп жатыр. Бұл туралы Сәтпаев атындағы каналдың біріккен кәсіподақ ұйымы комитетінің төрағасы Сұлтан Қабдырашев Kazakhstan Today агенттігіне берген сұхбатында хабарлады.
"Павлодар облысының әкімшілігі тарапынан ахуалды жолға қою үшін уәде етілген 100 млн. теңгенің орнына біз іс жүзінде бұл қаржының оннан бір бөлігін ғана, нақты айтар болсақ, небәрі 10 млн. теңгесін ғана алдық",- деді ол. Сұлтан Қабдырашевтің айтуынша, бұл қаржы бір адамға 1800 теңгеден ғана төлеуге жетті. Ал қазір жалақы берешегі 107 млн. теңгеге жеткен. Сонымен бірге канал зейнетақы қорларына тағы 150 млн. теңге аударуға тиіс.
С. Қабдырашевтің айтуынша, кәсіпорынның жалпы дебиторлық берешегі 1 млрд. 200 млн. теңгеден асады. "Ағымдағы берешектер өтелмеуге байланысты бізден мамандар көптеп кете бастады. Мұны мен апатқа теңеймін. 1,5-2 айда біздің кәсіпорыннан 100 адам жұмыстан кетті. Бұл кешікпей кәсіпорында ешкім қалмайды дегенді білдіреді. Біз кәсіби мамандардан айрылып жатырмыз. Адамдар жалақы анағұрлым жоғары төленетін Екібастұз ГРЭС-і секілді кәсіпорындарға кетіп жатыр",- деді кәсіподақ ұйымы комитетінің төрағасы.
Ол сондай-ақ 10-қарашада "Сәтпаев атындағы канал" РМК -ына қатысты мәселе ауылшаруашылығы министрі Ахметжан Есімовтың төрағалық жасауымен өткен мекемеаралық отырыста қаралғанын жеткізді. "Мәселе онда да шешілген жоқ. Бұл жерде де бюрократиялық тетік іске қосылып, біз бұлыңғырлау уәде ғана естідік. Қазір біз Қауіпсіздік кеңесі мен республикалық "Отан" саяси партиясына хат дайындап жатырмыз. Бұл - біздің соңғы үмітіміз",- деді С. Қабдырашев.
Бұдан бұрын да хабарлағанымыздай, берешек "Екібастұзсу" кәсіпорнының кінәсінен болып түзілген. Кәсіпорын соңғы бірнеше жыл бойы тұтынған су үшін төлемді дер кезінде төлемей келеді. Оның каналға берешегі 642 млн. теңгеден асады. Соның салдарынан "Сәтпаев атындағы канал" РМК банкорттыққа ұшырауға шақ қалып, 1 және 2-ші ГРЭС-пен (берешек - 120 млн. теңге) және жұмысшылармен есеп айырыса алмай отыр. 10-қазанда Сәтпаев атындағы каналдың жұмысшылары жалақы берешегін жедел өтеуді талап етіп митинг өткізіп, мәселені 10 күнде шешуді талап еткен. Олай болмаған жағдайда жұмысшылар Екібастұзға су беретін гидроторапты жауып тастамақ болды.
Қаржылық тауқымететрге байланысты канал қажетті көлемде су айдай алмай қалды. Ал қыс маусымында арнаның тайыздануы оның қатып қалуына алып келуі ықтимал. Бұл өз кезегінде жасанды су артериясын бойлай орналасқан
Екібастұз, Ақсу, Теміртау және Қарағанды қалаларына ауыз судың жіберілмей қалуына ұрындырады.
"Сәтпаев атындағы канал" РМК 1975-жылы пайдалануға берілген. Бұл суды 500 метрге дейін көтеретін әлемдегі осындай бірден-бір нысан. Канал секундына 75 текше метр су өткізе алады. Су каналға Ертістен бастау алатын Белая өзенінен келеді. Каналдың ұзындығы 500 шақырым. Ол Екібастұз, Ақсу, Теміртау және Қарағанды секілді өнеркәсіптік қалаларды ауыз сумен және техникалық сумен қамтамасыз етеді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Павлодарда Сәтпаев атындағы канал жұмысшыларының жалақы берешегін өтеу туралы талабы жартылай ғана қанағаттандырылды; жұмысшылар кәсіпорынды тастап кетіп жатыр - кәсіподақ ұйымы
тақырып бойынша жаңалықтар
Ұлттық Банк мамыр айында Ұлттық қордан 850 млн долларға дейін сатуды жоспарлап отыр
Сәуір айының қорытындысы бойынша, теңге бағамы 1,1%-ға, яғни 1 АҚШ доллары үшін 442,05 теңгеге дейін нығайды. Қазақстан қор биржасында сауда-саттықтың орташа күндік көлемі бір айда 225 млн АҚШ долларынан 234 млн АҚШ долларына дейін ұлғайды. Сауда-саттықтың жалпы көлемі 5,1 млрд АҚШ долларын құрады, деп хабарлайды ҚР ҰБ баспасөз қызметінен.
Ұлттық қордан республикалық бюджетке трансферттерді қамтамасыз ету үшін сәуірде 1 056 млн АҚШ долларына валюта сатылды. Ұлттық қордан сату үлесі жалпы сауда-саттық көлемінің 21%-ын және күніне 48 млн АҚШ долларынан аспайтын мөлшерді құрады. Ұлттық Банк Ұлттық қордың қаражатымен операциялар жүргізу кезінде нарықтағы бейтарап қағидатын сақтайды. Бұл шетел валютасын біркелкі қалыпта сатуды білдіреді. Мұндай тәжірибе Ұлттық қордағы операциялардың валюта нарығына әсерін барынша азайтуға мүмкіндік береді.
Ұлттық Банк сәуірде БЖЗҚ зейнетақы активтерінің валюталық үлесін 30% деңгейінде ұстап тұру мақсатында биржадағы сауда-саттықта шетел валютасын сатып алуды жалғастырды. Оның жалпы сомасы 500 млн АҚШ долларын немесе нарықтың жалпы көлемінің шамамен 10%-ын құрады.
Ұлттық Банк сәуірде валюталық интервенциялар жүргізген жоқ.
Республикалық бюджетке трансферттер бөлуге Үкіметтің алдын ала болжамды өтінімдері бойынша 2024 жылғы мамырда Ұлттық Банк Ұлттық қордан 750 млн АҚШ долларынан 850 млн АҚШ долларына дейінгі мөлшерде валюта сатылуын күтеді.
2024 жылғы мамырда БЖЗҚ зейнетақы активтерінің валюталық үлесін ұстап тұру үшін 450 млн АҚШ долларынан 500 млн АҚШ долларына дейінгі мөлшерде валюта сатып алу көзделген.
Ұлттық Банк ашықтық қағидаты аясында валюта нарығында жүргізілетін барлық операция туралы ақпаратты толық ашып көрсетеді. Қысқамерзімді перспективада теңгенің динамикасы нарыққа қатысушылардың күтулеріне, тоқсандық салық төлемдеріне, әлемдік нарықтардағы ахуалға және геосаяси жағдайдың өзгеруіне байланысты болады. Ұлттық Банк теңгерімсіздіктің жинақталуын болдырмайтын және алтын-валюта резервтерінің сақталуын қамтамасыз ететін икемді бағам белгілеу режимін ұстана береді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Сингапур Қазақстан экономикасына 1,4 млрд астам инвестиция салды
Сурет: akorda
Президент Қасым-Жомарт Тоқаев Ақордада Сингапур Парламентінің спикері Сеа Киань Пен бастаған делегацияны қабылдады, деп хабарлайды Ақорданың баспасөз қызметінен.
Қазақстан мен Сингапур арасындағы тығыз қарым-қатынасты одан әрі кеңейтуді көздейтін кездесу достық рәуіште әрі нәтижелі өтті.
Біз - уақыт сынынан өткен сенімді серіктеспіз. Өзара байланыстарды нығайту үшін ауқымды жұмыс жүргізілді. Дегенмен алдымызға екі елдің ынтымақтастығын одан әрі дамытуға бағытталған биік мақсат қойып отырмыз", - деді Президент.
Қасым-Жомарт Тоқаевтың пікірінше, халықаралық ынтымақтастықты арттыруда және мемлекеттер арасындағы диалогқа ықпал етуде парламенттік дипломатия аса маңызды рөл атқарады.
Президент бүгінде Қазақстанда 140-тан астам сингапурлық компания мен бірлескен кәсіпорын жұмыс істейтінін, олардың ел экономикасына құйған инвестициясының жалпы көлемі 1,4 миллиард доллардан асқанын атап өтті.
Өз кезегінде Сеа Киань Пен қонақжайлық танытқан Қасым-Жомарт Тоқаевқа ризашылығын білдіріп, екі елдің ынтымақтастығын тереңдету үшін мол әлеует бар екенін айтты.
Кездесуде экономикалық және инвестициялық ықпалдастық перспективаларына баса назар аударылды. Сонымен қатар өңірлік және халықаралық күн тәртібіндегі мәселелер талқыланды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.