"Самұрық-Қазына" қоры "Халықтық IPO" бағдарламасының ресми сайтын іске қосты
"Халықтық IPO жүйесі арқылы қазақстандықтар еліміздің стратегиялық активтерінің иелері бола алады. Халыққа бұның не екенін түсіндіру керек. әлемдік деңгейде жұмыс істейтін ірі ұлттық компаниялардың акцияларын сатып алу арқылы біздің азаматтарымыз өз еліміздің байлығына ие болып, табыс таба алады", - деді Елбасы Н.Назарбаев "Нұр Отан" Халықтық-демократиялық партиясының XIV съезінде.
Астана. 10-мамыр. Kazakhstan Today - "Самұрық-Қазына" қоры "Халықтық IPO" бағдарламасының ресми сайтын іске қосты, деп хабарлайды Kazakhstan Today агенттігінің тілшісі.
Қазақстанның қор нарығында акциялардың ауқымды түрде және сәтті орналастырылуы үшін халық арасында бағдарламаның басымдықтары туралы ақпараттық-түсіндіру жұмыстары жүргізіліп жатыр.
"Халықтық IPO жүйесі арқылы қазақстандықтар еліміздің стратегиялық активтерінің иелері бола алады. Халыққа бұның не екенін түсіндіру керек. әлемдік деңгейде жұмыс істейтін ірі ұлттық компаниялардың акцияларын сатып алу арқылы біздің азаматтарымыз өз еліміздің байлығына ие болып, табыс таба алады", - деді Елбасы Н.Назарбаев "Нұр Отан" Халықтық-демократиялық партиясының XIV съезінде.
"Самұрық-Қазына" Қорының ақпаратына сүйенсек, қазір "Халықтық IPO" логотипі және Бағдарламаның "Халық акционері бол" ұраны әзірленді. Бағдарламаның сall-орталығы іске қосылды. Аптаның әр күнінде, демалыссыз тәулік бойы халық үшін "жедел байланыс" (8-800-080-50-70) тегін телефон желісі жұмыс істейді. Кез келген адам бағдарлама бойынша орыс және қазақ тілдерінде өзін қызықтырған ақпарат ала алады.
"Сall-орталығы жұмыс істеген кезеңнен бастап 300-ден астам әртүрлі сұрақтар келіп түсті. Бағдарламаға әзірше Алматы (55%), Астана (10%), Ақтөбе (6%) және Атырау (5%) қалаларының тұрғындары белсенді қатысуда", - деді ол.
Бағдарламаның ресми веб-сайты ашылғанын айта кету керек. Сайттың ғаламтордағы мекен-жайы www.halyk-ipo.kz. Онда Бағдарлама туралы өзекті жаңалықтар, сұхбаттар, отандық және шетелдік сарапшылардың комментарийлері, ІРО-ға арналған талдамалық зерттеулер және қатысушы-компаниялардың қызметтері жарияланған.
Сонымен қатар, 2012 жылғы 15 сәуірден бастап Қордың негізгі еншілес және тәуелді компанияларының, қазақстандық қор биржасының, жергілікті атқарушы органдардың интернет ресурстарында, сондай-ақ республикалық және өңірлік БАҚ-тардың веб-сайттарында Бағдарлама туралы ақпарат жазылған веб-баннерлер орналастырылды.
Осы ақпараттың халық арасында кеңінен тарауы үшін аймақтардағы қоғамдық пікір көшбасшыларынан құралған "спикерлер" уақытша бірлестік құрылған. Барлығы 660 адам даярланбақ. Спикерлер барлық өңірлердің еңбек ұжымдарында, оның ішінде ауылдық жерлерде 311 оқыту лекцияларын және 980 көшпелі таныстырылымдар жүргізеді деп жоспарланған. Акциялар орналастырылған кезде "Қазпошта" АҚ-ның 3 мыңнан астам қызметкері осы жұмысқа тартылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.