СЕМЕЙ. 13 қараша. Kazakhstan Today. Семей өңірінде мал шаруашылығы мен оның өнімдерін өндіру көрсеткіштерінің өсу ағымы сақталып отыр. Бұл туралы 2006-2010 жылдар аралығында ауыл шаруашылығы кешендерін тұрақты дамыту бағдарламасының орындалу нәтижесіне арналған мәжілісте Семей қалалық ауыл шаруашылық бөлім бастығы Амантай Доғалақов мәлімдеді.
Доғалақовтың айтуынша, бүгінгі таңда Семей өңірінің ауылшаруашылық нысандарында 45 мыңнан астам бас ірі қара малы, 181,1 мың қой және ешкі, 6 мыңға жуық шошқа, 11,7 мың жылқы, 760 мың бас үй құстары тіркелген. Жыл басынан бері 5265 мың тонна ет, 16926 тонна сүт, 50,6 млн дана жұмыртқа, 214 тонна жүн өндірілген.
Ендігі кезекте малды қысқа дайындық жұмыстары жүргізіліп жатыр. 80 % -дан астам мал қоралары әзірліктен өтті. 67 мың тонна пішен , 3475 тонна пішендеме, 4 мың тонна силос дайындалды. Доғалақов "мал азығын дайындау әлі де жүргізіле бармек. Бұл қыстан қиналмай шығуға мүмкіндік бермек",-деді.
Сонымен қатар мәжілісте негізгі азық-түлік тауарлар бағасына жасалған мониторинг нәтижесі қарастырылды. Ауылшаруашылық өнімдері бағасын тұрақтандыруда айтарлықтай орын алған сегіз ауылшаруашылық жәрменкелерінің орны туралы сөз болды. "Жәрменкелердің ұйымдастырылуы жоғары денгейде болды. Оған барлық ауылдық округтер қатысты . Ауылшаруашылық нысандары мен олардың өндірген тауарларына қолдау көрсеткен қала халқы көп болды",-деді Семейдің әкімі Нұрлан Омаров.
Бүгінгі таңда Семей аймағында 500-ден астам шаруашылық қожалықтары, 3 өндірістік кооператив, 5 серіктестік, 2 акционерлік қоғам мен 5 мыңнан астам жеке малы мен үй құстары бар жеке тұлғалар тіркелген.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Семей өңірінде мал шаруашылығындағы өсім көрсеткіші сақталып отыр
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.