Сенатор ИКК-ға жер қойнауын пайдалану құқығын беру процедурасын заң жүзінде жеңілдетуді ұсынады (толықтырылған нұсқа)

Астана. 23 мамыр. "Қазақстан Бүгін" - Парламент сенатының депутаты Еділбай Иманқұлов ИКК-ға жер қойнауын пайдалану құқығын беру процедурасын заң жүзінде жеңілдетуді ұсынады. Ол мұндай ұсынысты бүгін "Илеуметтік кәсіпкерлік корпорациялар өңірдің даму негізі" атты дөңгелек үстел барысында ортаға салды, деп хабарлайды агенттік тілшісі.

"Үкімет жобасын жасаған "Илеуметтік кәсіпкерлік корпорациялар туралы" заң жобасының жекелеген нормалары қолданыстағы заңнамаға қайшы болғандықтан, бұл заң жобасында Азаматтық және Жер кодекстеріне өзгерістер енгізу ұсынылып отыр. Алайда, бұған қоса, "Жер қойнауы және жер қойнауын пайдалану туралы" заңына да ИКК-ға пайдалы қазбалар өндіру мен барлау жүргізу құқығын беру процедурасын заң жүзінде жеңілдету мақсатында түзетулер енгізу қажет деп санаймыз", - деді Е. Иманқұлов.

Оның айтуынша, үкімет ұсынған заң жобасындағы Илеуметтік кәсіпкерлік корпорацияларға кеніштерді беру процедурасы "өте күрделі әрі ол бұрынғы қалпында қалған".

"Осыған орай мен мемлекет басшысының халыққа арнаған жыл сайынғы жолдауында "осы бағыттағы жұмыстарды жалғастыруды, "Самұрық" холдингі мен өңірлік ИКК-лар тау-кен-металлургия саласының тиімді дамуы мен бәсекелестік қабілетін арттыруға нақты шаралар қолдануы қажет. Ол үшін тау-кен-металлургиялық компаниялардың акцияларының мемлекеттік қоржынын нақты басқара бастау, сондай-ақ, сирек металдарды қоса қара және түсті металдардың барланған кеніштеріндегі жер қойнауын пайдалану құқығын өзіне жүктеп алу қажет" деп ерекше атағанын еске сала кетуді жөн көрдім", -деді халық қалаулысы.

"ИКК жеке меншік бизнеспен бірлесе отырып, өңірлердегі жер қойнауларын игеруге тиіс, алайда, үкімет қаулысының кейбір акционерлік қоғамдардың акцияларының мемлекеттік қоржынын корпорацияларға беру жөніндегі бөлімі іс жүзінде орындалмай отыр, пайдалы қазбалар өндіру мен жер қойнауын пайдалану саласындағы бизнгеспен шұғылданатын жеке кәсіпкерлер ынтымақтастық орнатуға құлық таныта алмай отыр", - деді сенатор.

Өз кезегінде Ақмола облысының әкімі ("Сарыарқа" ИКК басқармаларының бұрынғы төрағасы) Альберт Раудың пайымдауынша, "қолданыстағы "Жер қойнауы және жер қойнауын пайдалану туралы" заңы әкімшілік шенеуніктері өз міндетіне жауапты қараған жағдайда ИКК-ға жер қойнауын жаппай қабылданған байқау арқылы беру тәртібінен гөрі жылдамырақ беруге мүмкіндік жасайды". "Есесіне біз ИКК осындай кеніштерді мейлінше тиімді игеру үшін ақшасы мен кәсіби мамандары бар сенімді серіктас табады дегенге сенімді болар едік", -деді әкім.

Оның мәлімдеуінше, Ақмола облысының әкімшілігі таяу уақыттарда жаппай таралған пайдалы қазбалы кеніштерді игеру жөніндегі бірқатар келісім-шарттарн бұзбақшы. "Оларды біз бірінші кезекте Илеуметтік кәсіпкерлік компорацияларға ұсынатын боламыз. Ондағы мақсат - "Сарыарқа"ИКК-нің осы салаға инвестициялар тартуға жұмыс істеуі", - деді А. Рау.

Оның мәліметінше, қазір "Сарыарқа" ИКК тікелей келіссөздердің негізінде жаппай таралған пайдалы қазбалы 12 кеніш бойынша жер қойнауын пайдалануға құқық алды, тағы 15 кеніш бойынша ИКК серіктестер іздестіріп жатыр.

Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті