АСТАНА. 30-наурыз. Kazakhstan Today. Шағын кәсіпкерлікті дамыту қоры Fстана әкімшілігінің кәсіпкерлерге берілетін несие көлемін 30 мың айлық есептік көрсеткішке (АЕК) дейін көтеру туралы бастамасын мақұлдады. Бұл туралы Kazakhstan Today агенттігінің тілшісіне сұхбат беру барысында Шағын кәсіпкерлікті дамыту қорының басқарма төрағасы Госман Амрин мәлімдеді.
"Бүгінде қордың Астанадағы бөлімшесі кез-келген жобаны 30 мың АЕК дейінгі сомада - бұл 32 млн теңге шамасында қаржыландыру туралы шешімді өз бетінше қабылдауға құқығы бар",- деп хабарлады Г. Амрин. "Астана әкімі бұл лимитті екі есеге өсіруге ұсыныс жасады. Біз бұл ұсынысты қарастырдық және де екі аптадай бұрын аталмыш ұсыныс бойынша соңғы шешім қабылданды",- деп түсіндірді ол.
Шағын кәсіпкерлікті дамыту қоры басшысының сөздеріне сүйенсек, бүгінде "кіші бизнеске қор бөлімшесі арқылы 120 мың АЕК, яғни 1 млн АҚШ долларына дейін несие беру механизмі жұмыс істейді". "30 мың АЕК асатын мұндай сомада несие беру үшін қордың бөлімшесі өтініш берушінің жобасын оны міндетті түрде бекіту үшін Шағын кәсіпкерлікті дамыту қорының басқармасына ұсынады",- деп түсіндірді Г. Амрин.
"Бұл механизм тек Астана үшін ғана емес, кез-келген облыс үшін де жұмыс істейді",- деп қосты ол. "Өтініш беруші бөлімшеге жүгініп, өзінің жобасын ұсынады, бөлімше жобаны басқармаға кіргізеді де, бір миллион долларға дейін несие беруге келісімін алады",- деп түсіндірді шенеунік.
"Бізде арнайы кепілдік бағдарламасы жұмыс істейді, біз өтініш берушінің пайдасына кепілдік береміз, ол екінші деңгейлі банкке барып, оның қамтамасыздығы жетпеген жағдайда біз оның міндетін 80 пайызға жабамыз. Мінеки, біз осындай жобамен елдің барлық аймақтары үшін лимитті 30 мың АЕК дейін өсірдік",- деп түсіндірді Г. Амрин.
Бұрындары хабарлағанымыздай, Астана қаласының кәсіпкерлік және өнеркәсіп департаментінің директоры Малика Нығматулина Астана кәсіпкерлерімен кездесуінде Астана әкімі Асқар Маминнің Шағын кәсіпкерлікті дамыту қорының беретін несие көлемін 60 мың АЕК дейін өсіруі туралы ұсынысын мәлім еткен болатын.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Шағын кәсіпкерлікті дамыту қоры астана әкімшілігінің кәсіпкерлерге берілетін несие көлемін 30 мың АЕК дейін көтеру туралы бастамасын мақұлдады
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.