АЛМАТЫ. 14-қыркүйек. Kazakhstan Today. Шанхай ынтымақтастығы ұйымы Іскерлік кеңесінің аясында жүзеге асыру жоспарланып отырған басымдық берілген инвестициялық жобалар 22-23-қыркүйекте Иркутск қаласында өтетін ІҮ Байқал экономикалық форумында анықталады. Бұл туралы бүгін Шанхай ынтымақтастығы ұйымы іскерлік кеңесінің Қытай және Қазақтан ұлттық бөлімдерінің шағын форумында Қазақстан кәсіпкерлері форумының төрағасы Райымбек Баталов құлағдар етті, деп хабарлайды Kazakhstan Today тілшісі.
"Шанхай ынтымақтастығы ұйымының іскерлік кеңесі екі жақты деңгейде де, көп жақты деңгейде де белсенді жұмыс істей бастады",- деді Р.Баталов. Оның айтуынша, қазір Шанхай ынтымақтастығы ұйымы Іскерлік кеңесінің аясында 180-нен астам жоба қаралуда. "Біз екі күн ішінде Қытай мен Қазақтанға қатысты нақты жобаларды талқылап, 22--қыркүйекте Иркутск қаласында өтетін Шанхай ынтымақтастығы ұйымы Іскерлік кеңесінің отырысында ортаға салынатын ұсыныстарды дайындаймыз",- деді Р.Баталов.
"Республика президенті баса назар аударған көп жақты жобалар мұқият қаралады",- деді Қазақстан кәсіпкерлері форумының төрағасы.
Шағын форум барысында Шанхай ынтымақтастығы ұйымы іскерлік кеңесінің Қытай ұлттық бөлімінің төрағасы Чжан Юйцзин "Қазақстан мен Қытай экономикасының бірін-бірі толықтыратынын атай отырып", екі ел арасындағы сауда-экономикалық ынтымақтастық қарқынды дамып келе жатқанымен, "екі мемлекет арасындағы сауда-саттықтың бірыңғай құрылымды екенін" жеткізді.
Бұдан бұрын да хабарлағанымыздай, ертең, 15-қыркүйекте Шанхай ынтымақтастығы ұйымына мүше елдердің үкімет басшылары кеңесінің отырысы Душанбеде өтеді. Онда Шанхай ынтымақтастығы ұйымы Іскерлік кеңесінің бсқарма төрағасы Дмитрий Мезенцев сөз сөйледі. Ол ұйым шеңберінде межеленген жобаларды жүзеге асыруда Шанхай ынтымақтастығы ұйымы Іскерлік кеңесі мен Банкаралық бірлестігінің ролін арттыру тақырыбында баяндама жасайды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Шанхай ынтымақтастығы ұйымы Іскерлік кеңесінің басымдық берілген инвестициялық жобалары 22-23-қыркүйекте Иркутск қаласында анықталады
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.