Солтүстік Қазақстан облысында электр қуатының тарифі көтерілді, сондай-ақ, сумен, жылумен қамтамасыз ету қызметінің құны артады деп күтіліп отыр
Солтүстік Қазақстан облысында электр қуатының тарифі көтерілді, сондай-ақ, сумен, жылумен қамтамасыз ету қызметінің құны артады деп күтіліп отыр
Астана. 15 мамыр. "Қазақстан Бүгін" - Табиғи монополияларды реттеу агенттігінің Солтүстік Қазақстан облыстық департаменті коммуналдық қызметтер тарифінің көтерілгені жайлы мәлім етті, деп хабарлайды "Қазақстан Бүгін" агенттігінің тілшісі жергілікті телерадиоарнаға (МТРК) сілтеме жасай отырып.
Қалалықтар үшін электр қуатының бағасы мамырдың бірінен бастап өсті. Қыркүйекте сумен жабдықтау және канализация қызметінің бағасы өзгереді. Ал қазанда жылумен жабдықтау қызметі артады.
Тарифті көтеруге жарияланған мораторий мерзімі аяқталды. МТРК хабарлауынша, монополистер өз қызметтерінің бағасын көтеру өтініштерін жолдаған.
Табиғи монополияларды реттеу агенттігінің департаменті кәсіпорындар объективті себептер келтіріп, тарифтердің сәл-пәл өсуін қалайды деп хабарлады. Мұндай алғашқы қадамды энергия жеткізушілер жасады. Желтоқсан айында қаралған өтініш қанағаттандырылды. Тариф 5 пайызға көтеріледі. 1 кВт/сағат 5 теңге 37 тиынға тең болмақ.
Өз кезегінде сумен жабдықтаушылар химиялық реагенттер мен қуат көздерінің қымбаттауына, жұмысшыларға айлық жалақыны көтеру қажеттігіне сілтеме жасауда. Табиғи монополияларды реттеу агенттігіне кәсіпорын 3 рет арыз жазған. Үшеуінде де оны қанағаттандырмаған. Алайда, тарифтің өсуінен қашып құтыла алмайсың. "Петропавл су" қызметінің құны қыркүйек айында өзгертіледі.
Қазір есептегіш құралдарынсыз суық су мен канализацияны пайдалану құны айына бір адамға 295 теңгені құрайды. Ал есептегіш құрал болса, онда 1 текше метріне 38 теңге 54 тиыннан келеді.
Жылумен қамтамасыз етудің жаңа тарифі ағымдағы жылдың ақпан айында енгізілді. Алайда, мораторийге байланысты ол қазан айына, келесі жылу маусымына шегерілген. Табиғи монополияларды реттеу агенттігі департаментінің директоры Олег Пономарев газ құнының өзгерісі күтіліп отырған жоқ деп сендірді.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.