АСТАНА. 15 - мамыр. Kazakhstan Today. Солтүстік Қазақстан облысында өткен жылдың қыркүйегінде ашылған "Биохим" зауыты Тәуелсіз Мемлекеттер Достастығының кедендік тауарлар номенклатурасының жетілмегендігінен қазіргі уақытта биоэтанолды шетелдерге экспортқа шығара алмай отыр. Бұл туралы бүгін Kazakhstan Today агенттігінің тілшісіне берген сұхбатында "Қазагро" Ұлттық холдинг" АҚ басқарма төрағасы Илихан Смайылов хабарлады.
"ТМД аясындағы сыртқы экономикалық алыс-берісте тауар номенклатурасы деген болады, оны кеден органдары қандай да бір тауарды идентификациялау үшін, және де салық салу немесе қандайбір баж салығы мен тарифтерді белгілеу үшін пайдаланады. Бұл наменклатурада қазір "этанол" азық-түлік этанолы мен отын этанолы деп екіге бөлінбеген",- деді И. Смайылов.
"Этанолдың бәрі бір топқа жатқызылады және одан акциз алынады. Егер этанолды өндірудің өзіндік құны бір литр биоэтанолға шаққанда 0,21 центті құраса, акцизден кейін өзіндік құны 16 есеге өседі. Ирине, оны мұндай бағамен Еропада да, ел ішінде де сату мүмкін емес",- деп қосты ол. "Сөйтіп бүгін "Биохим" зауыты этанолды азық-түлік және отынға бөлу кодының болмауына байланысты экспорттай алмайтын тауар өндіріп, тауқыметке тап болуда",- деп атап өтті "Қазагро" басшысы.
Оның айтуынша, бұл мәселе тауар наменклатурасына "азық-түлік этанолын отын этанолынан бөлетін" түзетулер енгізу арқылы шешімін табады. "Үкіметаралық комиссия ТМД елдерінің кеден органдарына өздерінің кезекті отырыстарының бірінде тауар наменклатурасына осындай өзгерту енгізу туралы шешім қабылдау жөнінде тапсырма беруі қажет",- деп түсіндірді И. Смайылов.
"Біз биоэтанол өндіретін жаңа зауыт салуды келесі жылдың қаңтарында бастауды жоспарлап отырмыз, біз оны екі жылда салып бітіруге тиіспіз. Осы уақыт аралығында бұл мәселе өз шешімін табады",- деп хабарлады ол. "Бірақ бүгінде бұл пробелма Солтүстік Қазақстан облысындағы жұмыс істеп жатқан кәсіпорынға қатысты болып отыр",- деп қосты "Қазагро" төрағасы.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Солтүстік Қазақстан облысындағы "Биохим" зауыты ТМД кедендік тауарлар номенклатурасының жетілмегендігінен биоэтанолды экспортқа шығара алмайды
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.