Сүлейменов: ЖӨБ бюджетін сапалы енгізу үшін дайындық шараларыныӊ жоспары әзірленді
Ұлттық экономика министрі Тимур Сүлейменов "Нұр Отан" партиясыныӊ Мәжілістегі фракциясыныӊ жиыны барысында бюджет пен коммуналдық меншіктіӊ IV деӊгейін уақтылы және сапалы енгізу үшін жасалатын дайындық жұмыстары туралы хабарлады.
Астана. 17 сәуір. Kazakhstan Today - Ұлттық экономика министрі Тимур Сүлейменов "Нұр Отан" партиясыныӊ Мәжілістегі фракциясыныӊ жиыны барысында бюджет пен коммуналдық меншіктіӊ IV деӊгейін уақтылы және сапалы енгізу үшін жасалатын дайындық жұмыстары туралы хабарлады.
Еске салсақ, 18 қаӊтарда Ұлттық экономика министрі Мәжілісте аудандық маӊызы бар қалалар, ауыл, кент және ауылдық округтер деӊгейінде жергілікті өзін өзі басқарудыӊ дербес бюджеті мен коммуналдық меншігін енгізуді қарастыратын заӊ жобасын таныстырған еді. Депутаттар ауыл әкімдерініӊ қаржылық сауаттылығына, кадрлармен, компьютерлік құрал-жабдықтармен және интернет байланысымен қамтамасыз етуге назар аудару қажеттігін атап көрсете келіп, заӊ жобасын бірінші оқылымда мақұлдады. Министр заӊ жобасыныӊ осы бөлігі пысықталатынына сендірді.
"Мәжілістіӊ пленарлық отырысындағы талқылау Жергілікті өзін өзі басқарудыӊ дербес бюджеті мен коммуналдық меншікті енгізу жөніндегі іс-шаралар жоспарын уақтылы дайындауға алып келді", - деді министр.
Сүлейменов Іс-шаралар жоспарына сәйкес, мемлекеттік органдар мен ұйымдарға 2017 жылғы 1 маусымға дейін ауылдық округтердегі жылжымайтын және жылжымалы мүліктердіӊ тіркелмеген нысандарын анықтауға, ал 2017 жылғы 31 желтоқсанға дейін мемлекеттік органдардыӊ ақпараттық жүйелері мен деректер базасыныӊ толық дайындығын тексеру, өзектендіру және интеграциялау жолымен қамтамасыз етуге тапсырма берілгенін хабарлады.
Бұдан басқа, ауылдық округтер әкімдері аппаратын интернет байланысымен қамтамасыз ету мәселесін шешу үшін интернет-провайдерлермен кездесу өткізілді. "Іс-шаралар жоспарына сәйкес, жергілікті атқарушы органдар 2017 жылғы 1 қыркүйекке дейінгі мерзімде ауылдық округтер әкімдерініӊ аппаратын қажетті жылдамдықтағы интернетпен қамтамасыз етеді", - деді Сүлейменов.
Ол бюджетпен және коммуналдық мүлікпен жұмыс жүргізу үшін жоғары немесе ортадан кейінгі білімі бар экономикалық, қаржылық және бухгалтер мамандары қажет болатынын атап айтты. "1066 ауылдық округта экономикалық, қаржылық және бухгалтерлік білімі бар штаттағы қызметкерлердіӊ жалпы саны 2297 бірлікті құрайды. Бұдан басқа, аталған ауылдық округтерде заӊгерлік білімі бар 1093 штаттық қызметкерлер бар. Бұл жергілікті жерлердегі жеткілікті кадрлық әлеуетті көрсетеді", - деді Сүлейменов.
Мұныӊ сыртында, Іс-шаралар жоспарына сәйкес, жергілікті атқарушы органдарға жыл аяғына дейін ауылдық округтер әкімдерініӊ аппаратын сәйкес білімі бар штаттық бухгалтерлермен және заӊгерлермен қамтамасыз ету тапсырылды. Сүлейменов сондай-ақ, бюджеттік үдерістер мен коммуналдық мүлікті басқару бойынша арнайы оқыту ұйымдастырылғанын еске салды.
Министрдіӊ мәліметі бойынша, 16 ауылдық округ компьютер құралдарымен қамтамасыз етілмеген. Облыс әкімдіктеріне 2017 жылғы 1 қарашаға дейін бұл мәселені шешу тапсырылды.
Сүлейменов "Қазақстан Республикасыныӊ жергілікті өзін өзі басқаруды дамыту мәселелері бойынша кейбір заӊнамалық актілерге өзгерістер мен толықтырулар енгізу туралы" заӊ жобасын қарау аясында барлық даулы түзетулер шешілгенін, мемлекеттік органдардыӊ 29 заӊға қосымша актілер жобасын әзірлегенін атап айтты.
"Бюджет пен коммуналдық меншіктіӊ IV деӊгейін уақтылы және сапалы енгізу жөніндегі барлық шаралар Іс-шаралар жоспарында белгіленген мерзімде қабылданатын болады", - деді Сүлейменов.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.