АСТАНА. 2-тамыз. Kazakhstan Today. "Сарыарқа" деп алатын тұңғыш әлеуметтік-кәсіпкерлік корпорация биыл Қарағанды облысында құрылады. Бұл туралы бүгін әкімшілік реформалар жөніндегі комиссияның кезекті отырысының қорытындысы бойынша өткен баспасөз мәслихатында Қарағанды облысының әкімі Нұрлан Нығматуллин құлағдар етті, деп хабарлайды Kazakhstan Today тілшісі.
"Осынау пилотты жобаны жүзеге асыруға бюджетте 300 млн. теңге қарастырылатын болады. "Сарыарқа" деп алатын тұңғыш әлеуметтік-кәсіпкерлік корпорация Қарағанды облысында 2006-жылы жұмыс істей бастайды деп ойлаймыз",- деді әкім. "Қарағанды облысында "Сарыарқа" әлеуметтік-кәсіпкерлік корпорациясын құруға қажетті барлық құқықтық құжаттар қазір дайын", деп мәлімдеді баспасөз мәслихатында республика үкімет басшысының орынбасары Кәрім Мәсімов.
Қарағанды облысының әкімі еліміздің бірқатар аймақтарында әлеуметтік-кәсіпкерлік корпорациялар құру туралы идеяның Қазақстан халқына арналған Елбасының 1-наурыздағы жолдауында жария етілгенін еске салды. "Илеуметтік-кәсіпкерлік корпорациялар аймақта өндірілетін тауарлар мен қызмет түрлерінің бәсекелестік қабілетін көтеруге, сондай-ақ, кластерлік даму тетіктерін енгізуге, әрбір өңірдің ішкі ресурстарын өз күшімен ұйымдастырып әжетке жаратуға септігін тигізеді деп күтілуде",- деді Н.Нығматуллин.
Оның айтуынша, әлеуметтік-кәсіпкерлік корпорациялар сондай-ақ "бүгінгі таңда ликвидті емес деп танылып отырған коммуналдық меншіктегі кәсіпорындарға инвестициялық жобаларды тарту" мәселесін де шешеді. "Осындай активтерге қатысты шешімді облыс басшылығы емес, директорлар кеңесі, не, әлеуметтік кәсіпкерлік корпорацияның басқармасы немесе атқарушы дирекциясы қабылдайды. Қандайбір кәсіпорынды инвестициялық жобаға қамту мәселесін дәл осы тектес коллегиялық органдар шешеді",- деді аймақ басшысы. Осыған байланысты оның айтуынша, қандайбір жобаға жеке инвестиция тартылған жағдайда директорлар кеңесіне "жеке инвестордың өкілі де қамтылатын болады".
Тұңғыш әлеуметтік-кәсіпкерлік корпорация биыл Қарағанды облысында құрылады - әкім
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.